Sanjar SHoahmedov: "Abdujalilov dastlabki ikkita golni qaytarsa bo'lardi, uchinchi golda esa nima bo'lganini barcha ko'rdi"

"Bizga uch ochko juda zarur edi. "Neftchi"ga qarshi bahs qiyin kechishini kutgandik. Biz uch ochko ilinjida maydonga tushgandik. "Sepaxon"ga qarshi o'yin oldidan munosib tayyorgarlik va g'alaba bizga juda kerak edi. Maqsadimizga erishdik. O'ylaymanki, bugungi bahsda muxlislarga manzur keladigan futbol namoyish etdik. Yanada muhimi esa chempionatdagi ketma-ket uchinchi g'alabani rasmiylashtirdik. Bu esa quvonarli holat. "Neftchi" himoyaviy o'yinga tayyorgarlik ko'rib maydonga tushgandi. Bizning kiritgan golimiz ularni rejasini buzib yubordi va raqib oldinga o'tishga majbur bo'ldi. Bu esa bizga yanada qo'l keldi. Raqib darvozaboni? Albatta o'tkazib yuborilgan dastlabki ikkita golni olsa bo'lardi. Birinchisida to'pni qo'lidan chiqarib yubordi, ikkinchi golda esa qo'llari orasidan to'pni ushlolmay qoldi. Uchinchi golda esa hamma ko'rdi nima bo'lganini. To'pga chiqishda xato o'ynadi va hisob yiriklashtirildi. Balki bu kiper "Loko"ga qarshi o'yinga kerakli darajada tayyorgarlik ko'rmagandir, balki hayajonlangandir. Umuman olganda Abdujalilov qo'lidan kelgancha o'z darvozasini qo'riqladi.  CHempionlik? Oldimizda barcha frontda muvaffaqiyatli qatnashish vazifasi qo'yilgan. SHu bois bir maqsad yo'lida birlashib, vazifalarni bajarishga harakat qilamiz. Hozircha hammasi yaxshi ketmoqda", - dedi Sanjar SHoahmedov.