Sanjar nega finalga bayroq bilan chiqqani, qachon CS o'ynashni boshlagani, O'zbekiston chempioni bo'lgani haqidagi savollarga javob berdi

- CS GO bo'yicha jahon chempionatiga qanday kayfiyatda bordingiz?

- Turnirdan oldin barcha jamoalar bilan mashg'ulot o'tkazdik. Agar mashg'ulotlardagidek yaxshi o'ynasak, kamida finalgacha borishimizni his qilgandim. SHunday ham bo'ldi.

- Finalda kim o'ynaydi deb o'ylagan edingiz?

- Mashg'ulotlar bo'yicha "Astralis" finalga chiqishini kutgandim. "Liquid" ham kuchli. Biroq finalda "Astralis" o'ynashiga 80% ishongandim. Turnir davomida NRG ham yaxshi tayyorgarlik ko'rganini guvohi bo'ldik.

- Xafsalangizni pir qilgan jamoalar bo'ldimi?

- Deyarli yo'q. NiP jamoasining ishlari yurishmaganidan afsusdaman. Qolganlar o'z darajasida o'ynashdi. "Crazy" uzoqroqqa borishini kutgandim. Ular bir yil ichida yaxshi natijalarga erishishdi.

- Finalga O'zbekiston bayrog'i bilan kelish sizning g'oyangizmi?

- SHunday desa ham bo'ladi. Biroq bayroqni faqat finalga asrab qo'ygandim.

Butun umri turli musobaqa va turnirlarda o'tgan do'stim bor. Uning niki "episode" va u CS 1.6 bo'yicha "Storm" (xalqaro musobaqalarda O'zbekiston nomidan qatnashgan) jamoasida o'ynagan. U elkasiga O'zbekiston bayrog'ini tashlab, chempion bo'lishni xohlagan edi. Bu menga jiddiy tasir qildi. Do'stimning orzusini amalga oshirishni xohladim.

- Hozir hamma siz CS:GO o'yini yaqinda boshlab, katta muvaffaqiyatlarga erishganingizni muhokama qiliyapti. Haqiqatdan ham shunday bo'ldimi?

- Ha, men bir vaqtlar O'zbekiston chempioni bo'lganman. O'yin bilan esa qolganlar kabi kompyuter klubida tanishganman. Biz klublarda o'ynardik, odamlarning uyida kompyuter bo'lmasdi. O'sha paytda tanlov katta bo'lmagan: Dota yoki CS. Ikkala o'yinda ham o'zimni sinab ko'rdim, biroq CS etiborimni tortdi.

- Kompyuter klubiga kirib, O'zbekiston chempioni bo'lishingiz uchun qancha vaqt kerak bo'ldi?

- Adashmasam, birinchi sinfdayoq kompyuter klubiga borganman. 2011 yilda (13 yoshda) esa O'zbekiston vice-chempioniga aylandim. Kelasi yil mamlakat chempioni sifatida taqdirlandim.

- CS:GOga o'tish qanday kechgan?

- 2015 yilgacha CSning yangi turiga o'tishni xohlamagandim. Bizda internet yomon va kuchli kompyuterlar yo'q. Hech qaerda yaxshi sharoit bo'lmagan. Bir kuni do'stim bilan internet-kafega borib, qiziqish uchun CSning yangi turini sinab ko'rishga qaror qildim. O'yin menga yoqdi. Keyin esa har hafta internet-kafega kelib, o'yinni tushunishga harakat qildik.

- "Avangar"dagilar bilan do'stmisiz yoki hamkasb?

- Bizda muvozanat bor. Biror tomonga og'ib ketib bo'lmaydi. Aynan shu narsa tufayli o'yinga bo'lgan munosabat o'zgaradi. Agar siz faqat do'st bo'lsangiz, mashg'ulotlarda bo'shashasiz va bor etiborni o'yinga qarata olmaysiz. Agar faqat hamkasb bo'lsangiz, agressivlashib borasiz. To'g'ri balans esa yaxshi natija beradi.

- Taqvim juda zich, so'nggi marta qachon uyda bo'ldingiz va sizni qanday kutib olishadi?

- Uyga borganimga ancha bo'ldi. Ikki haftalik tanaffusda uydam dam olganman. Bazida odamlar tanib qolishadi va maqtab qo'yishadi. Ammo bunga jiddiy etibor bermayman. O'zimni yulduz deb hisoblamayman va o'zimni bunday his qilishni ham xohlamayman.