Samvel Babayan: "Tan olish kerak, "Bunyodkor" ham bugun yaxshi o'ynadi"

- Afsuski, bugun mag'lub bo'ldik. Yigitlarga aytarli etirozlar yo'q, ikkita qo'pol xato o'yin natijasiga tasir qildi. O'sha-o'sha muammo - vaziyatlar yaratayapmiz, ammo ulardan foydalana olmayapmiz. Agar sen gol urmasang g'alaba qozonish qiyin. Oldimizda nima qold? 6 ta o'yin, ularga yanada yaxshiroq tayyorlanish va yuqori saviyada ishtirok etishimiz kerak. 

- Birinchi taymning o'zida uchta o'zgarish qildiz va birdaniga o'yin tizgini "Navbahor" tomoniga o'tib ketdi. Asosiy tarkib tanlashda xato qildim deb hisoblaysizmi? 

- Yo'q xato qilmadim, chunki zaxiradan tushganlarning barchasida jarohat bor edi va men katta tavakkal qildim. Ular asosiy tarkib futbolchilari edi. Natija bizni qoniqtirmayotgani uchun bunga majbur bo'ldim. Sobirjonov jarohatini yangilab oldi va hatto o'yin oxirigacha o'ynay olmadi. Marushich va Boltaboev esa bahs oxirida qanday yugurganini menimcha faqat men ko'rdim, muxlislar bunga etibor qilishmadi. 

- "Olimpik" bilan o'yinda ham "Bunyodkor" juda ham yopiq o'ynagandi. Bugun ham Boshkovichdan shunday taktika kutganmidiz? 

- Biz raqib taktikasiga moslashmaymiz. Raqibning so'nggi nazorat uchrashuvini ko'rdim va o'shanda ham 4 himoyachi bilan o'ynagandi. SHu bois biz uchun yangilik bo'lmadi. Birinchi golda shunchaki konsentraciyani yo'qotdik va raqib jazoladi. Tan olish kerak "Bunyodkor" ham bugun yaxshi o'ynadi. 

- Siz doim favorit jamoalarda ishlagansiz. Bu sizga qo'shimcha bosim beradimi? 

- To'g'ri doim o'z oldimga yuqori maqsadlar qo'yaman. Ammo hamma futbolchi ham bunday bosimda o'ynay oladimi degan savol bor. Ayniqsa Namanganda. Men bundanda kuchli bosim ostida ishlaganman, bu yangilik emas. G'alabani haddan tashqari istagan futbolchilar bosimda qolishadi. 

- Bugungi mag'lubiyatga asosiy sabab? 

- O'yinda ikkita qo'pol xato qildik. Bundan tashqari "Bunyodkor" futbolchilari yaxshi o'ynadi. 

- Kozak bilan Krimec bu yil maydonga tushadimi? 

- Kozak yaqinda jarohatdan qutildi. Krimec hali tiklanish jarayonini boshdan kechirmoqda. 

- Marushich oxirgi o'yinlarda zaxiradan maydonga tushmoqda. Uning o'yinida pasayish bo'ldimi? 

- O'tgan o'yinda taktik qaror edi, bugun esa jarohati borligi uchun zaxirada qoldirdim. U bizning asosiy hujumchimiz. 

- Oxirgi paytlarda jamoada jarohat olgan futbolchilar ko'payib ketdi. Bu rotaciya yo'qligi bilan bog'liqmi? 

- Rotaciya asoslangan bo'lishi kerak. SHunchaki kimgadir yoqish uchun rotaciya qilish to'g'ri emas. Birinchi davrada Sobirjonov zaxira o'yinchisi edi, hozir esa asosiy tarkib futbolchisi. Rotaciya bor, ammo katta emas.