Samvel Babayan: "Ikkinchi davrani g'alaba bilan boshlash muhim edi"

Camvel BABAYAN (“Paxtakor” menejeri): - Yaxshi o'yin guvohiga aylandik. Jamoalar shunday shiddatli futbol namoyish qilsa, bundan faqat foyda bo'ladi. Raqib autsayderlar safida borayotgan bo'lishiga qaramay, uchrashuv oxirigacha qarshilik ko'rsatdi.

Mazkur o'yinga jiddiy tayyorgarlik ko'rdik. Tezlik va to'pni nazorat qilish evaziga ustunlikni ifodalashga intilmoqchi edik. Biroq futbolchilar birinchi bo'limda buni yaxshi uddalashmadi. “Andijon” qanday tarkibda o'ynashini tasavvur qilish qiyin edi. Ikkinchi bo'limda harakatlarimiz tezlashdi va bu samara keltirdi.

Pardaevni anchadan buyon kuzatib yuraman. U hujumchi sifatida menga yoqadi. Bahodirda katta potencial bor. SHunday uslubda o'ynaydigan hujumchi bizga zarur edi. U jamoadagi raqobatni oshirishga ham xizmat qiladi. Debyut o'yinida gol urganidan xursandman.