Samvel Babayan: "Andijon" futbolchilaridan ko'ra muxlislari kuchliroq"

"Bugungi bahsning qiyin bo'lishini o'yindan oldin bilardik, boisi "Andijon" pastki o'rinlarda yurgan bo'lsada hujum chizig'ida yaxshi ijrochilar bor edi. So'nggi o'yinlardan kelib chiqib jamoaning o'yini yaxshi deb aytgan bo'lardim. Bizda esa charchoq bor edi", - deydi Babayan.

- O'yindan oldin "Andijon"dan qanday xavf kutgan edingiz?
- "Bunyodkor" bilan yaxshi o'yin namoyish etilgandi. Bugun ham yomon chiqmadi. Qolaversa futbolchilaringizdan ko'ra muxlislaringiz kuchliroqligini doimo aytib kelganman.

- Birinchi davrani peshqadam sifatida tugatdingiz, qisqacha fikringiz...
- OCHLni inobatga olmaganda barchasi yaxshi. Afsuski Iskanderov va Maxaradzening xizmatlaridan ko'p foydalana olmadik, natijada OCHLda muvaffaqiyatsizlikka uchradik. CHempionatda esa mahalliy yigitlar bilan reja asosida ishlay oldik. Yil boshida Tojiev safdan chikkach tekinga Oraxovacni oldik, boshida u o'zini oqlay olmanandek edi, lekin so'nggi o'yinlarda jamoamizning o'yiniga kirishib keta oldi. Bugunda biz chet eldan tayer o'yinchi olish imkoniyatiga ega emasmiz.

- CHempionlikni himoya qilyapsizlar, raqiblar kuchaydimi?
- "Neftchi" va "Olmaliq" misolida ha deb aytgan bo'lardim. Lekin nima uchundir "Olmaliq"ning o'yini birdek ketmayapti.

- "Andijondan kimni alohida etirof etasiz?
- Abdumalik Abdullaev va Asqar Jadigerov. O'yindan keyin Asqar oldimga kelib tabriklab ketdi. Men unga yoshligida ham bunday yaxshi o'ynamaganini aytib kuldim, u bugun o'yinning eng yaxshisi bo'ldi.

- "Paxtakor"ning yangi murabbiyi kim bo'ladi?
- Bu hakda ko'p gapiryapmiz, yana bir bor aytaman. "Paxtakor" bayroqdor jamoalarimizdan biri va uning yangi murabbiyi shunga mos bo'ladi.