Saidkomil Akbarov ketdi, SHahzod Nurmatov esa qaytdi

2008 yildan buyon jamoa sharafini himoya etib, uning muvaffaqiyatida salmoqli ulush qo'shib kelgan Saidkomil Akbarov keyingi faoliyatini Tojikistonning “Istiqlol” jamoasida davom ettiradigan bo'ldi. Bahraynning “Al Riffa” jamoasi ko'rigiga ketgan SHahzodbek Nurmatov esa qadrdon jamoasiga qaytdi.

Tojikistonning “Istiqlol”jamoasi bu yil OFK kubogida qatnashadi. Saidkomil “Istiqlol”da osiyolik legioner vazifasini o'tab beradi. “Metallurg” klubi rahbariyati, barcha o'yinchilar va muxlislari Saidkomilga ko'p yillik samarali xizmatlari uchun minnatdorchilik bildiradi va xalqaro maydonlarda “Istiqlol” bilan yangi cho'qqilarni zabt etishini tilab qoladi.

SHahzodbek Nurmatov masalasiga qaytsak, u “Al Riffa” klubi rahbariyati bilan tashkiliy masalalarda fikrni bir joyga qo'ya olmadi va ortda qaytishni maqul ko'rdi. To'purar o'yinchi hamma klubga kerak. Mehnat shartnomasi hali oxiriga etmagan Nurmatovning “Metallurg” tarkibida bu yil ham asqotishi aniq. SHu manoda “SHahzod, qadrdon jamoangga xush kelibsan”, deymiz.

Ilgari xabar berganimizdek, o'tgan hafta “Metallurg” Turkiya safariga jo'nab ketayotgan “Bunyodkor”ga qarshi ko'rik-nazorat uchrashuvini o'tkazdi. Tinimsiz yog'ib turgan qor va havo haroratining juda pastligi o'yin sifatiga salbiy tasir ko'rsatmasdan qolmadi. Har ikkala jamoa o'zlarining kuchli tarkiblarini maydonga tushirishdi. Hisobda mehmonlar ikki marta oldinda borishdi. Biroq mezbonlar mag'lubiyatdan qutilib qolishdi va g'alaba qozonishga muvaffaq bo'lishdi. “Metallurg”dan ikkala golni ham Dilmurod Karimov penaltidan kiritdi.

“BUNYODKOR” – “METALLURG” 4:2 (2:2)
Gollar: Dilmurod Karimov 37 penalti (0:1), Anvar Berdiev 42 (1:1), Dilmurod Karimov 44 penalti (1:2), Anvar Berdiev 45+1 (2:2), Temur Ayupov 84 (3:2), Temur Ayupov 88 penalti (4:2).