Sahob Jo'raev faoliyatini yakunladi

O'zbekiston milliy terma jamoasida 23ta o'yin o'tkazgan himoyachi bu yil boshida "Oq-tepa" klubida paydo bo'lgandi. Biroq tez orada futbolchi va klub shartnomani bekor qilishdi. SHundan so'ng Sahob Jo'raev butsalarini mixga ilishga qaror qildi.

Futbolchi oliy ligada "Lokomotiv", "Bunyodkor" va "Olmaliq" kabi klublarda faoliyat olib bordi. Sahob Jo'raev 6 marta O'zbekiston chempioni, 5 marta O'zbekiston kubogi sohibi, 2 bor O'zbekiston Superkubogi sohibiga aylandi.

- Hozirgi paytga kelib futboldan ancha yiroqlashib ketganman. O'zimning shaxsiy kichikroq biznesim bor. SHular bilan shug'ullanib yuribman. Menda futbolga bo'lgan qiziqish qolmadi. To'g'risini aytsam oxirgi 3-4 yilda o'zbek futbolining saviyasi pastladi va bu holat menga ham tasir qildi. Inson hamisha o'z ishidan rohatlanishi kerak to'g'rimi? Men esa nimagadir futbol o'ynab bunday tuyg'uni sezmay qo'ydim.

Endi "Bunyodkor" orqali murabbiylikka o'qimoqchiman. Nasib qilsa bolalarga bu sport turini o'rgatmoqchiman. Agar murabbiylik licenziyasiga ega bo'lganimdan keyin "Bunyodkor" ish taklif qilsa shu erda ishlayman, bo'lmasa boshqa klubda faoliyat olib boraman, - deydi Sahob Jo'raev "Futbol Ekspress" gazetasiga bergan intervyusida.