Ruxsor Kubogi: Guruh o'yinlari yakuniga etdi

Kecha guruh o'yinlar nihoyasiga etdi. Aytish kerakki, “Ruxsor Kubogi” turniriga bo'lgan qiziqish yuqori bo'lmoqda.  Quvonarli tomoni, o'yinlarni futbol muxlislari bevositada stadion atrofidan turib kuzatib borishmoqda. Biz esa ilk marta mini-futbol bo'yicha bo'lib o'tayotgan “Ruxsor Kubogi” musobaqasi ishtirokchilarinng turnir haqidagi fikrlariga qiziqdik. Ko'p yillardan beri sportning karate turi bo'yicha yoshlarga saboq berib kelayotgan Mo'ydinjon Sobirov o'z shogirdlori bilan “Ruxsor Kubogi”da ishtirok etmoqda.

“Bir-biridan qiziqarli o'yinlar bo'lib o'tmoqda, - deb gap boshladi Mo'ydin Sobirov.

– O'rtoqlik maqomidagi o'yinlar bo'lishiga qaramay, xavaskor futbolchilar jon-jahdi bilan g'alaba uchun kurash olib borishmoqda. Albatta mana shunday musobaqalarni bo'lib o'tishi, birinchi galda yoshlarning bo'sh vaqtlarini mazmunli o'tishida yordam beradi. Farg'onada futbolni sevishadi. Qarang, xavaskor maqomidagi futbolchilar qanday yuqori saviyada o'yin ko'rsatishmoqda. Azaldan Farg'onada futbol ommaviy sport turib bo'lib kelgan. SHu sababli, viloyatmiz yoshlarini futbolni juda sevishadi, - deydi Mo'ydin Sobirov.

“Marg'ilon” jamoasi vakili Akmal Abdullaev ham“Ruxsor kubogi” o'yinlari borasida o'z fikrini bildirdi: - Birinchi gal musobaqa tashkilotchilari, xususan “Ruxsor” TRK rahbariyatiga katta rahmat aytaman. Qiziqarli musobaqa bo'lmoqda. Turnirni Yangi yil bayrami arafasida bo'lib o'tishi, ishtirokchilarga yanada kayfiyat beryapti Bilasizmi, musobaqani tomosha qilib shunday fikrga keldimki, xozir musobaqada ishtirok etayotgan xavaskor futbolchilar  professional o'yinchilar qolishmaydi. Mana shunday musobaqalar davomiy bo'ladi deb umid qilamiz – deydi “Marg'ilon” jamoasi vakili Akmal Abdullaev.

“Ruxsor” TRK matbuot xizmati.