Rustam Mirsodiqov: "Jamoa mag'lubiyatga uchraganda aybdor murabbiy bo'ladi"

Murod Ismoilov: Eng avvalo olis yo'l bosib Bekobodga kelgan va bizni qo'llab quvvatlab turgan fidoyi ishqibozlarimizga minnatdorchilik bildiraman. O'yinga to'xtaladigan bo'lsam, bugungi uchrashuv og'ir kechishini bilardik va shunga yarasha tayyorgarlik ko'rdik. Bu uchrashuvda tomonlarning imkoniyatlar teng edi. biz biroz omadliroq chiqdik. Qolaversa, biz raqibimizning chempionatdagi barcha o'yinlarini vidio orqali o'rganib, shunga yarasha taktika ishlab chiqaandik. Bugun ikkinchi raqamda o'ynashimiz o'z samarasini berdi.

Hozir barcha jamoalarda ishlayotgan murabbiylarga bosim katta. Rahbariyat faqat g'alaba va yuqori o'rinlarni talab qiladi. Eng asosiysi jamoa muxlislari o'z klubini faqat yutishlarini xohlashadi va shunga yarasha munosabat bildirishadi. Bugungi kunda barcha jamoalarda  natija birlamchi bo'lib qolgan.To'g'ri chiroyli kombinacion o'yin ko'rsatish maroqli, hammaga yoqadi, lekin agar natija bo'lmasa o'sha chiroyli o'yin tatimaydi. Lekin ishontirib aytamanki, yaqin kelajakda chiroyli o'yinlar ko'p bo'ladi.

Men hakamlarning ishiga baho bermayman. Buning uchun mutasaddi insonlar bor. Bugungi o'yinni boshqargan xakamlar mamlakatimizning eng kuchli, obro'li xakamlar qatoridan o'rin olgan FIFA referilari.  Men o'ylaymanki, berilgan barcha kartochkalar o'rinli va menda xakamlarga xech qanday etiroz yo'q.

Albatta, biz ham chempionatni yangi stadionda boshlashni xohlagan edik. Xatto bunga yaxshi tayyorgarlik ham ko'rgandik, lekin bazi bir sabablarga ko'ra bu ish amalga oshmadi. Bugun menga kelgan habarlarga qaraganda, 18 aprel kuni “Mashal”  bilan bo'ladigan uchrashuvni aynan “Istiqlol” stadionida o'tkazamiz. Bu kunni nafaqat futbol muxlislari, balki biz ham katta intiqlik bilan kutayapmiz. Yangi stadionda o'yin ham boshqacha, ancha chiroyli bo'ladi. Barcha futbol muhlislarini 18-aprel kungi o'yinga taklif etamiz.

Rustam Mirsodiqov: Jamoa g'alaba qozonsa bu futbolchilarniki, mag'lubityaga uchrasa murabbiyning xatosi deyishadiku. Bu o'yindagi mag'lubiyat uchun barcha aybni o'z zimmamga olaman. Ehtimol, tarkibni tanlashda xatoga yo'l qo'ygandirman, ehtimol taktika tanlashda. Ammo ishontirib aytamanki, bugun g'alaba ishtiyoqida edik. Futbolchilarga ham uchrashuv qiyin bo'lishini uqtirgandim. Mening nazarimda oldingi o'yinda peshqadam “Mashal”ni chiroqli tarzda dog'da qoldirishimiz, shogirdlarimga salbiy tasir ko'rsatganga o'xshaydi.

Harchand harakat qilsakda, ularning o'yinini o'zgartirolmadik. Futbolchilarni almashtirish hg'am yordam bermadi. Nima ham derdik, ishlashimiz kerak. CHempionat endi boshlandi. Oldinda ko'plab murakkab o'yinlar turibdi. Biz Bekobodda hamisha muxlislarimizni xursand etish uchun maydonga chiqamiz. Bu ananani albatta davom ettiramiz. Nafaqat o'z uyimizda, safarda ham ularni qoniqtiradigan natija uchun o'ynaymiz.