Rustam Ashurmatov: "Turkmaniston va Eronga qarshi o'yinlarda bor kuchimizni namoyon etamiz"

"Jamoamiz kecha yig'ildi. Ko'pchilik klublari bilan mavsumni yakunlab, qisqa muddat dam olishga erishdi. SHu bois, futbolchilarda jismoniy tayyorgarlik turlicha. Murabbiylar shunga ko'proq etibor berishyapti. Kecha ilk mashg'ulotni o'tkazdik. Tayyorgarlik haqida nimadir deya olmayman. Jamoada kayfiyat yaxshi. Guruhda birinchi o'rin uchun harakat qilamiz. Turkmaniston va Eronga qarshi o'yinlarda bor kuchimizni namoyon etamiz. Eronga kuchimiz etadi. Ular ashaddiy raqiblarimizdan biri sanaladi. Safardan ham g'alaba bilan qaytamiz degan umiddaman", dedi "Rubin" futbolchisi.