Rustam Abdullaev: “Afsuski birgina gol alamli mag'lubiyatga olib keldi”
01 iyu 2015 23:22
Yangiliklar
![](https://championat.asia/upload/storage/177235_original.jpg)
![](/upload/storage/177235_220.jpg)
Rustam Abdullaev: “Afsuski birgina gol alamli mag'lubiyatga olib keldi”
- O'yinni ko'rdinglar, yigitlar g'alaba qozonish uchun qo'llaridan kelganicha xarakat qilishdi. Birgina gol afsuski jamoamizni alamli mag'lubiyatga uchratdi. Bizda ham imkoniyatlar bo'ldi. Birinchi bo'limda gol urishga ham erishdik. Ammo qanot hakami o'yindan tashqari xolat ekanligini qayd etdi. Hali bu vaziyatni ko'rib chiqamiz. O'ylashimcha, o'yindan tashqari xolat yo'q edi. Futbolchilarimga rahmat deyman. Ular sidqidildan xarakat qildi. Muxlislardan ketma-ket mag'lubiyatlar uchun uzr so'rayman. Ularni to'g'ri tushunib turibman. Bu bizga sinov ekan. Bundan yaxshi o'tib olishimiz kerak - deya gap boshladi Abdullaev.
- “Qo'qon-1912” ketma-ket mag'lubiyatlardan so'ng turnir jadvalida quyi pog'onalardan biriga tushib ketdi. Bu sizning klubdagi kelgusi faoliyatingizga qanday tasir o'tkazadi?
- Endi peshonada borini ko'ramiz. Bu rahbariyatning qarori. Agarda klubga kerak bo'lsam, qolaman. Aksincha bo'lsa istefoga chiqaman. Qo'qonda mensiz ham klub bo'lgan va bo'lib qoladi. Lekin jamoaga biroz ishonib vaqt berishsa, o'ylaymanki bu inqirozdan chiqib ketadi.
- Agarda faoliyatingizni davom ettiradigan bo'lsangiz, keyingi rejalar qanday?
- Rejalar yo'q emas. Davralar oralig'ida tarkibda bazi bir o'zgarishlarni amalga oshiramiz. Yig'in davomida shuningdek taktik jihat borasida ham ishlaymiz. Jamoani oliy ligada jon saqlab qolishi uchun emas balki yaxshi o'rinlarni egallash uchun kurashamiz.
- Muvaffaqiyatsizliklaring sababi nimada deb o'ylaysiz?
- Sababi etarlicha bor. Lekin hozir bu haqda gapirgim yo'q. Bu o'zimizning ichki muammoimiz.
- Bugun issiq havoda futbol o'ynash har ikki jamoa o'yinchilariga oson bo'lmadi. O'yin vaqtini kechroqqa qo'yishni imkoni bormi?
- Bu savolga javob bera olmayman. SHahar rahbarlari va klub rahbariyati hal etadi. Menga qolsa, 20:00dan keyin qo'ygan bo'lardim – deydi Rustam Rahmonovich.
![AMP Logo](https://championat.asia/image/logo-amp.png)
Fikrlar