Rufat Akramxo'jaev: “G'alabani ushlab qolish uchun yigitlarga xarakter etishmadi”

Uchrashuvdan so'ng mehmonlar ustozi Rufat Akramxo'jaev o'z fikrlarini bildirib o'tdi.   

- CHempionatning birinchi o'yini bo'lgani uchun yigitlarda hayajon sezildi. Rasmiy uchrashuvlar bilan nazorat bahslarni farqi bo'ladi albatta. Futbolchilarim negadir hayiqib o'ynashdi. Birinchi bo'limda o'yinimiz yaxshi qovushdi. Hisobni ham birinchi bo'lib ochishga erishdik. Ammo ikkinchi taymda hammasi o'zgarib ketdi. Mezbonlar o'z uyida mag'lubiyatdan qutilib qolish uchun astoydil kurashdi. Ularda g'alabaga tashnalik xususiyati mujassam edi. Ishtiyoq kuchlilik qildi.

- Jamoamning namoyish etgan o'yinidan umuman ko'nglim to'lmadi. Bungacha tashkil etilgan nazorat uchrashuvlarida futbolchilarim umuman boshqa o'yin ko'rsatgandi. Nima ham derdik, bu – futbol. Umid qilamanki kelgusida hammasi yaxshi bo'ladi.

- “Orol” ham asosan to'pni oldinga tepib yuborish orqali o'yin ko'rsatdi. Bunaqangi uchrashuvda durang qayd etish ham qaysidir manoda qoniqarli deyish mumkin. Lekin yana qaytaraman, o'yindan qoniqmadim.

- Keyingi turni yana safarda o'tkazamiz. “Xorazm”ga qarshi o'yinda g'alaba qozonishga xarakat qilamiz.

- Tarkibda asosan yoshlar bor. Tajribali o'yinchilardan birgina Muzaffar Umurzoqovni aytish mumkin. SHuningdek o'z vaqtida oliy ligada o'ynagan iqtidorli futbolchi Isroil Ergashevni ham tarkibga qo'shib olganmiz. Qolgani esa asosan 1994-1995  yillarda tavallud topgan futbolchilardir. Asosiy maqsadimiz oliy ligaga munosib o'yinchilarni tayyorlab berish.


Islombek Rustambekov.