"Rubin" sport direktori Obid Qayumboev 0:10dan so'ng: "Ligalar orasidagi farq sezilib qoldi"

- Avvalo muborak Ramazon oyi bilan xalqimizni tabriklayman! O'yin haqida nima deyishim mumkin? Tezkor ikkita gol futbolchilarning ruhiyatiga salbiy tasir qildi. Bu tarkibdagi futbolchilarning yosh ekanligi bilan bog'liq. Qolaversa, Superliga bilan 1-liganing orasidagi farq sezilib qoldi. Tanaffusda yigitlarga kerakligi ko'rsatmalar bergandik, avvaliga hammasi yaxshi ketayotgandi ham, ammo to'rtinchi goldan keyin gollar bir-biriga ulanib ketdi.

Jamoamizning asosiy maqsadi saralash o'yinlaridan o'tib, aynan shu guruhdan joy olish edi. SHuning uchun ham muhim bo'lmasada, saralashning so'nggi uchrashuvida ham g'alaba qozongandik. Maqsad shu guruhdagi Superliga jamoalari bilan o'ynash edi. O'zimizning kuchimizni rasmiy o'yinlar orqali sinab ko'rishni niyat qilgandik.

«Bunyodkor» tarkibidagi yigitlar ham o'zimizning bolalar kabi, buni o'yindan avval futbolchilarga ham aytgandik, harakat qilinglar, degandik. Lekin baribir saviya bilindi. Mayli, shunaqasi ham bo'lib turadi", - deydi Obid Qayumboev.