Rubi: “La Liga peshqadamini har kuni ham mag'lub etavermaysan”
10 mar 2020 00:32
Yangiliklar
![](https://championat.asia/upload/storage/550478_original.jpg)
![](/upload/storage/550478_220.jpg)
Rubi: “La Liga peshqadamini har kuni ham mag'lub etavermaysan”
“Bu g'alaba “Betis” va men uchun uch ochkodan ham qadrliroqdir. CHunki so'nggi paytlarda biz chempionatda yaxshi ishtirok eta olmayotgandik. Qolaversa, chempionat etakchisini har kuni ham mag'lub etavermaysan. Bugun omadli kun, jamoa shunga loyiq.
O'yin oxirida biz sabrli bo'ldik, qolaversa natija ham adolatli bo'ldi. “Betis” bundanda ko'prog'iga loyiq, ammo yaqindagina o'tkazgan bir qator o'yinlarda shunchaki omadimiz kelmagandi. SHunday kunlar bo'ladiki, o'yinda qilingan o'zgarish foyda beradi yoki aksincha. Bu murabbiyga bog'liq holat emas.
Biz “Real”ga qarshi ajoyib o'yin o'tkazdik, barcha rejalarimiz ish berdi. G'alaba keyingi haftada “Sevilya”ga qarshi o'tadigan derbiga xush kayfiyatda tayyorgarlik ko'rish imkonini berdi. Derbida kuchli raqibga qarshi og'ir “jang” kechishini bilamiz.
Eslatib o'tamiz, ushbu mag'lubiyatdan keyin “Real” 56 ochko bilan La Liga turnir jadvalida 2-o'ringa tushib qoldi, “Barselona” esa “Sosedad”ni taslim etib (1:0), 58 ochko bilan birinchi pog'onaga ko'tarildi.
O’xshash yangiliklar
![AMP Logo](https://championat.asia/image/logo-amp.png)
Fikrlar