Ro'ziqul Berdiev: "Yigitlar hech qanday bosim va hayajonsiz ertangi o'yinga tayyorgarlik ko'rishmoqda"
26 apr 2022 18:10
Yangiliklar

Ro'ziqul Berdiev: "Yigitlar hech qanday bosim va hayajonsiz ertangi o'yinga tayyorgarlik ko'rishmoqda"

Osiyo chempionlar ligasi 6-turi doirasidagi "Al Vihdat" (Iordaniya) – "Nasaf" uchrashuvi oldidan matbuot anjumani o'tkazildi.

Unda "Nasaf" bosh murabbiyi Ro'ziqul Berdiev hamda markaziy himoyachi Husniddin Aliqulov ishtirok etdi va jurnalistlar savollariga javob qaytardi.

"Maqsadimizga erishishimizga oz qoldi. Hammasi o'z qo'limizda. Aqlni ishlatgan holda o'ynab, bor kuchimiz bilan harakat qilamiz.

Keyingi bosqichga chiqishni niyat qilgandik va bunga yaqinmiz. Yigitlar hech qanday bosim va hayajonsiz ertangi o'yinga tayyorgarlik ko'rishmoqda.

"Al Vihdat" – "Nasaf" singari ochiq futbol o'ynaydigan jamoa. O'xshash taraflarimiz bor. Hech birimizda yulduz futbolchi yo'q. "Al Vihdat" va "Nasaf" kurashuvchan, harakatchan jamoalar sirasiga kirishadi. Qolaversa, ikki klubning jismoniy tayyorgarligi ham deyarli bir xil va yaxshi holatda.

Ertangi o'yinda maksimal kuchimizni sarflashimiz lozim, chunki oson bo'lmaydi. "Al Vihdat" yaxshi shakllangan jamoa ekanligini ko'rdik. Ular bejiz Iordaniya chempionati etakchilaridan biri emas ekan", – dedi Ro'ziqul Berdiev.

"Jamoamiz futbolchilarining kayfiyati alo darajada. Ertaga chiroyli o'yin ko'rsatib, g'alaba qozonishga intilamiz", – dedi Husniddin Aliqulov.

Eslatib o'tamiz, "Al Vihdat" – "Nasaf" bellashuvi ertaga Toshkent vaqti bilan 22:15 da boshlanadi.

Havola :

Manba : championat.asia

Yangiliklarni Telegramda o'qing!

Reyting: +38