Ro'ziqul Berdiev: “Qiyin o'yinda uch ochko ishladik”

- O'yin og'ir bo'ldi. Sababi “Buxoro” bizga qarshi jiddiy hozirlik ko'rgan va g'alaba uchun maydonga chiqishgandi. Bugungi o'yinga qo'yilgan vazifvamiz – uch ochkoni qo'lga kiritish edi. Bunga erishdik. Lekin bunga osonlikcha erishmadik. Mezbonlar bizga ancha muammo tug'dirishdi. “Buxoro”ning o'yinlarini ancha jiddiy o'rgangan edik. Yigitlar shunga mos ravishda ko'rsatmalarimizni bekamu ko'st bajara olishdi. Umuman o'yin jangovar ruhda o'tdi, deb aytish mumkin.

- "Buxoro"dan bir futbolchi maydondan chetlatildi...
- Ochig'ini aytsam, raqib bir kishi kam bo'lib harakatlansa bu menga yoqmaydigan holat. CHunki bu shogirdlarimga ham bazida ruhiy tomondan salbiy tasir qiladi. O'sha vaziyatda Gevorkyan tezlik bilan raqibdan o'tib ketayotgan bir paytda, uni chalib yiqitdi va ikkinchi bor ogohlantirish olib, maydonni tark etdi. Bu albatta, buxoroliklarga qiyinchilik tug'dirdi. CHunki “Nasaf”ga qarshi bir kishi kam bo'lib o'ynash oson emasdi.

- Baqoevning o'yini haqida nima deya olasiz?
- Baqoev o'zi ishining ustasi ekanligini bilamiz. SHu yoshida ham yaxshi formada ekanligiga guvoh bo'ldik. O'ylaymanki, hali uning “Buxoro”ga foydasi tegadi. Garchi o'yin amaliyoti kam bo'lsada, uning tajribasiga shubha qilmasa ham bo'ladi.

- Bugun Eldorbek Suyunov uchrashuv qaydnomasiga ham kiritilmadi...
- Avvalgi o'yindagi kichik jarohati unga biroz halal berayotgandi. SHu bois unga dam berishga qaror qildik. Uning sog'lig'i joyida, jarohati og'ir emas. O'ylashimcha, u terma jamoa yig'iniga jalb etilgan va bosh jamoaga yordam bera oladi.