Ro'ziqul Berdiev: “OCHLga munosib hozirlik ko'ramiz”

Kuni kecha Rossiya safaridan qaytgan jamoamiz ustozi bu haqda quyidagilarni gapirib berdi.

-Evropa qitasining klublar o'rtasidagi eng nufuzli musobaqasini bevosita kuzatish uchun ushbu uchrashuvga bordim, -deydi Ro'ziqul Sadullaevich. – Maqsadim ECHL uchrashuvini tomosha qilish bilan birga o'sha o'yinda murabbiylarning taktik va texnik uslublarini oz bo'lsada o'zlashtirishdan iborat edi. Safardan o'zim uchun kerakli axborotlarni to'play oldim. Uchrashuvdan keyin “Zenit” klubi qarorgohiga ham borib, u erda futbolchilar uchun yaratilgan sharoitlarga guvoh bo'ldim. To'g'risini aytganda, klub bazasida yaratilgan sharoitlardan ajablanmadim. Bizda ham shu kabi sharoitlar yaratilgan. “Zenit”da barcha tashkiliy ishlar alo darajada tashkil etilgan va profesionallar ish olib borishiga guvoh bo'ldim.

-Kuni kecha OFK tomonidan Osiyo chempionlari ligasi bahslarida O'zbekiston uchun 3+1 tarzida o'rinlar taqsimlangani malum bo'ldi. Bu “Nasaf”ning yangi mavsumda OCHLni guruh bosqichida boshlashini anglatadi...

-Albatta biz yakunlangan mavsumda chempionatni sovrinli o'rinda yakunlagach, qita turniring guruh bosqichida boshlashni niyat qilgandik. Kutilgandek, OFK tomonidan yurtimiz jamoalari uchun 3+1 tarzidagi o'rinlar taqdim etildi. Bu yurtimiz futbolining nufuzi OFK tomonidan yuqori baholanganidan dalolat beradi. Yangi mavsumda ushbu turnirda qatnashadigan barcha klublarimizga omad tilayman. O'z o'rnida “Nasaf” futbolchilari ham ushbu bahslarga munosib hozirlik ko'rishadi. O'tgan haftada jamoamiz azolari Toshkentda tibbiy ko'rikdan o'tishdi. Ko'rikdan ertaroq o'tishimizning sababi safimizdagi jarohat olgan ayrim futbolchilarimizga aniq tashxis ham qo'yiladi. Yangi yil oldidan tashkil etiladigan yig'inmizga ular tayyor holatda kelishadi.