Ro'ziqul Berdiev: "Messi bizda emas, u Evropada. Kenjaboevni unga qiyoslash noo'rin"

“Bugungi o'yinga jiddiy tayyorgarlik ko'rgandik. Bir ochkoni qo'lga kiritib, ikki ochkoni yo'qotdik. Keyingi o'yinlarda g'alaba uchun kurashamiz. Jamoamiz hali juda yosh. Har safar g'alaba talab qilish noto'g'ri deb o'ylayman. Bobir Abduholiqov jarohatdan qaytsa hujumlarimiz yanada kuchayadi. Imkoniyat bo'lsa tajribali futbolchilarni jamoamizga olib kelamiz, faqat birinchi davra tugagandan keyin. Umuman yuqori maqsadlar mavsum boshida qo'yilishi kerak Tajribali o'yinchining yonida malakali futbolchilar ham etarli bo'lishi zarur. SHunday darajadagi futbolchilar bir yoki ikki nafariga ega bo'lib ham OCHLga chiqa olmaslik mumkin. Kenjaboevni Messi bilan taqqoslash noo'rin. Messi bizda emas, u Evropada. Mavsum boshida Bozorov yaxshi formada edi. So'nggi o'yinlarda Islom o'zini yaxshi tomondan ko'rsatdi. Bugungi o'yinda darvozaga ko'proq xavf tug'dirishi kerak edi. Biroq, u orqaroqda harakat qildi. O'ylaymanki, keying o'yinlarda ahvolimiz o'nglab olamiz. Bundan qiyinroq vaziyatlardan ham chiqib ketganmiz”, – deya qayd etgan murabbiy.