Ro'ziqul Berdiev: "Lutfulla To'raev bilan yuzaga kelgan vaziyatda asabiylashdim"

- O'yin haqida

- Albatta, yaxshi saviyadagi o'yin bo'ldi, chiroyli g'alabani qo'lga kiritdik. Muxlislarga ko'rsatgan o'yinimiz maqul keldi, deb o'ylayman, barchani g'alaba bilan tabriklaymiz.

"Bunyodkor" jamoasini o'rganib chiqqandik. Raqibni bo'sh nuqtalarini aniqladik va futbolchilarga o'sha xududlarda tezkorlik bilan harakat qilish lozimligini takidladik. Yigitlar ko'rsatmalarni to'liq va to'g'ri bajarishdi. Ishonchli hisobda g'alabaga erishdik. Albatta, "Bunyodkor" jamoasini qanchalik kuchga ekanini bilamiz, lekin o'yin ko'rsatib berdiki, bizning tayyorgarligimiz yuqori bo'lgan.

- O'yindagi hakamlik haqida nima deysiz?

- Birinchi bo'limda Lutfulla To'raev bilan yuzaga kelgan vaziyatda asabiylashdim, chunki unga ikkinchi kartochka berilishi lozim edi. Endi hakamlarning ham o'z qarashlari bor, shu vaziyat meni bir oz asabiylashtirdi.

- VAR tizimi bu vaziyatni ko'rib chiqmadimi?

- Biz bu xolatlarni muhokama qilishga haqli emasmiz. Muhimi o'yinda ishonchli g'alabaga erishdik, muxlislarimizni tabriklaymiz.