Ro'ziqul Berdiev: “Etakchi o'yinchilarimizni qo'yib yuboraversak, ularning o'rnini qanday to'ldiramiz?”
17 jan 2019 12:25
Yangiliklar
![](https://championat.asia/upload/storage/472794_original.jpg)
![](/upload/storage/472794_220.jpg)
Ro'ziqul Berdiev: “Etakchi o'yinchilarimizni qo'yib yuboraversak, ularning o'rnini qanday to'ldiramiz?”
- Yangi mavsum tayyorgarligini 3 yanvar kuni boshlagan edik, mana bugun ikki haftalik o'quv-yig'in mashg'ulotlarimizni dastlabki qismini, nazorat uchrashuvi bilan yakunladik. Dastlabki bosqichdagi asosiy etibor jismoniy tayyorgarlikka qaratildi.
Yangi chempionatga tayyorgarlikning navbatdagi ikkinchi bosqichini 20 yanvar kunidan yana Qarshida davom ettiramiz, bu bosqich 2 fevral kunigacha davom etadi. Bu bosqichda ham nazorat uchrashuvlari o'tkazishni rejalashtirganmiz. Klubimiz rahbariyati imkon yaratib bersa, uchinchi bosqich tayyorgarligini Turkiyada davom ettirmoqchimiz. CHunki, bizda fevraldagi ob-havo, to'liq mashg'ulot o'tkazishga noqulayroq hisoblanadi.
Ayni paytda biz bilan birga boshqa jamoalarda to'p tepgan ko'plab yosh futbolchilar mashg'ulotlarimizda ishtirok etishayapti, bularni biz ko'rikdan o'tkazayapmiz. Imkoniyatlarini chamalab ko'rayapmiz. Bizni qoniqtirganlarni, safimizda olib qolamiz.
Bizning aksariyat asosiy tarkib o'yinchilarimiz terma jamoalarga jalb etilgan. Tayyorgarligimiz ularsiz davom etayapti. To'g'ri, ular ham terma jamoalarimiz mashg'ulotlarida ishtirok etishayapti. Tarkibimizga qo'shiladigan yangilarni tezroq jalb etib, asosiy etiborimizni jamoaviy o'yinimizni shakllantirishga qaratishimiz kerak. O'zingizga malum, futbolchilar bir-birlarini tushunib olib, jamoaviy o'yinga moslashishi, malum vaqtni talab qiladi. Qolaversa, yangi chempionatning boshlanishi ham tobora yaqinlashib kelayapti.
Endi tarkibdagi o'zgarishlar haqida to'xtalsam. Hozircha, jamoamizni rasman Maqsud Karimov va Saydullo Rahmatov tark etishdi. Sanjar Quvvatovni “Paxtakor” bilan o'zaro kelishuvga erishganligi haqida gaplar tarqaldi. Ammo buni to'g'ri yoki noto'g'riligini tasdiqlay olmayman. CHunki, futbolchimiz anchadan buyon milliy terma jamoamiz bilan birga bo'lganligi sabab, o'zaro gaplashganimiz yo'q.
Jamoamizning avvalgi yillardagi mavqieni tiklashimiz uchun, imkoniyat darajasida tarkibimizni kuchaytirishimiz talab etiladi. To'g'ri, o'tgan chempionatning ikkinchi yarmidan boshlab, biz ko'plab yosh o'yinchilarimiz xizmatidan foydalanishga majbur bo'ldik. Bu esa ularni katta futbolda tajriba to'plashiga sabab bo'ldi. Endi biz bu futbolchilarimizni jamoamizda saqlab qolishimiz kerak.
Biz ko'plab tajribali o'yinchilarni yo'qotdik. Agar biz yana etakchi o'yinchilarimizni boshqalarga berib yuboraversak, ularni o'rnini qanday to'ldiramiz? “Nasaf”dek klubni siyosati yoki nufuzi nima bo'ladi?
Jamoamizga legioner futbolchilar ham kerak. Ammo bizni o'rtamiyona legioner futbolchilar umuman qoniqtirmaydi. Bu darajadagi legioner futbolchini olib, o'zimizni intiluvchan yoshlarimizni yo'lini to'sib qo'yish ham to'g'ri emas. Gevorkyan, CHeran yoki Golbandek legionerlar bo'lsagina, jamoamiz o'yinlarini yanada kuchaytira olishi mumkin – deydi Ro'ziqul Berdiev.
O’xshash yangiliklar
![AMP Logo](https://championat.asia/image/logo-amp.png)
Fikrlar