Ro'ziqul Berdiev: "Al Ayn" qanchalik kuchli jamoa ekanligini barcha ko'rdi"

- "Al Ayn" qanchalik kuchli jamoa ekanligini barcha guvohi bo'ldi. SHunga qaramay jamoamiz ularga etarli qarshilik ko'rsatishdi. Bu uchun futbolchilarga tashakkur bildirdim. Goldan so'ng tashabbusni raqibga berib qo'ydik. Biz hali OCHLdan chiqib ketganimiz yo'q. Kurash davom etadi va biz oxirigacha kurashamiz. Jamoaga tezkor gol kerak bo'ladi. Biz bunga erishdik. Ammo tashabbusni "Al Ayn"ga berib qo'ydik va ularga bu qo'l keldi. Qaysidir manoda bu bizning xatoimiz bo'lgandir. SHunga qaramay gol urish uchun vaziyatlar yuzaga kelgandi. Biroq ulardan unumli foydalana olmadik. SHuningdek, bugun bir qator etakchi futbolchilarimiz ishtirok eta olishmadi. Ammo ularning o'rniga tushgan futbolchilar yomon harakat qilishmadi. Legionerlar kerak bizga. Bu masalada rahbariyat bilan gaplashganmiz. Lekin hozircha o'zimiz istagan futbolchini olishga imkoniyatimiz yo'q.