Rossiya kubogi sohibi bo'lgan Andijonning jaydari yigiti bugun 32 yoshga to'ldi
10 okt 2019 16:46
Yangiliklar
![](https://championat.asia/upload/storage/522805_original.jpg)
![](/upload/storage/522805_220.jpg)
Rossiya kubogi sohibi bo'lgan Andijonning jaydari yigiti bugun 32 yoshga to'ldi
Bugun Andijon futboli tarbiyalanuvchisi, O'zbekiston milliy terma jamoasining sobiq yarim himoyachisi, Rossiya Kubogi sohibi Vagiz Galiulin 32 yoshga qadam qo'ydi. Bugungi qahramonimiz professional futbolchilik faoliyatini 2002 yil "Andijon" jamoasida boshlagan. 2006 yilda "Rubin" klubiga ko'chib o'tgan. Keyinchalik Rossiyaning boshqa klublari - "Sibir", "Nefteximik", "Ufa", "Tosno", "Tambov" sharafini himoya qildi. Hozirda esa quyi divizion jamoasi "Nefteximik"da to'p tepmoqda. Vagiz "Tosno" bilan birga Rossiya Kubogida zafar quchgan. Bir necha yil davomida O'zbekiston milliy terma jamoasi tarkibida o'ynagan. 2011 yilda Osiyo Kubogida jamoamiz bilan birga 4-o'rinni egallagan.
- O'zimni irodali inson deb bilaman. Bolalik chog'imdayoq ana shunday xarakterga ega bo'lganman. Men tug'ilganimda onam vafot etganlar. Onasiz ulg'aydim. Dadam ishga ketgan paytlarida bir o'zim maktabga borardim. Mashg'ulotlarga ham faqat yolg'iz borganman. Yoshlik chog'imdan mustaqil yashashga o'rgandim va tinmasdan harakatda bo'ldim. Rossiyaga 18 yoshimda kelganman va bunday katta mamlakatda bir o'zim qolganman. Dadamning maslahatlari bilan hamma narsa joyiga tushgan. Yaqinlarimning juda yaxshi qo'llab turishi mening ustun tomonlarimdan biridir, - deya yoshlikdagi qiyinchiliklarni eslaydi Galiulin.
Fursatdan foydalanib, bugun tavallud kunini nishonlayotgan Vagiz Galiulinni unutilmas sana bilan muborakbod etamiz. Balki, qachonlardir u yana Andijonga, O'zbekistonga qaytar. Murabbiy sifatida ko'p yillik tajribalarini yosh avlodga ulashar, biz bunga chin dildan umid qilib qolamiz. U "Rubin"da turkmanistonlik mashhur mutaxassis Qurbon Berdiev qo'l ostida bir necha mavsum o'ynagan.
O’xshash yangiliklar
![AMP Logo](https://championat.asia/image/logo-amp.png)
Fikrlar