Ronaldu MYUda kimni haqiqiy professional deb biladi?

Ronaldu u qadrlaydigan fidoyilik va o'z kasbining ustasi qanday bo'lishi borasida savolga qo'yidagicha javob berdi:

"Men faqat "Manchester Yunayted"da ko'rganlarimni aytishim mumkin. Diogu Dalot – haqiqiy namuna, u yosh, aqlli va professional. Uning futbolda muvaffaqiyat qozonishiga shubham yo'q. Yana bir necha yigitlar ham bor – Martines, Kazemiro, garchi u 30 yoshdan oshgan bo'lsa-da. Men Dalotni bu borada eng yaxshi, deb aytgan bo'lardim".

23 yoshli Dalot 2018 yildan buyon "qizil iblislar" tarkibida to'p tepadi. 2020/21 yilgi mavsumni "Milan"da ijara asosida o'tkazdi. Eslatib o'tamiz, u Ronaldu bilan birga yaqinda start oladigan Qatardagi JCH-2022da Portugaliya terma jamoasi safida o'ynaydi.