"Roma" ijaraga olingan "Leypcig" himoyachisini sotib olmoqchi

Italiyaning "Roma" jamoasi Germaniyaning "Leypcig" klubidan ijaraga olingan himoyachi Anxelinoni sotib olmoqchi, deya xabar berdi Nikolo Skira.

Xabar qilinishicha, rimliklar 27 yoshli Anxelino uchun 5 million evro to'lashga tayyor. Futbolchiga to'rt mavsumlik – 2028 yilgacha mo'ljallangan shartnoma taklif etiladi.

Anxelino joriy mavsum "Roma" safida 32 ta o'yinda maydonga tushib, 1 ta gol va 1 ta golli uzatmaga mualliflik qildi.