Reshford MYU taqvimini tanqid qildi

"Manchester Yunayted" hujumchisi Markus Reshford jamoaning o'tgan mavsumdagi taqvimini tanqid ostiga oldi.

"Klublar miqyosida biz haftada bir marta o'ynaydigan jamoalarga qarshi o'ynaymiz, o'shanda o'zimiz haftada 3 ta o'yin o'tkazayotgan bo'lamiz – noyabrdan boshlab Evropa Ligasidan chiqib ketgunimizcha shunaqa bo'ldi. Bu jinnilik! Bu qiyin. Garchi biz bunga o'rganib qolgan bo'lsak ham, men buni to'g'ri deb o'ylamayman", – dedi futbolchi.

25 yoshli o'yinchi o'tgan mavsum barcha turnirlarda 56 ta o'yinda maydonga tushib, 30 ta gol va 11 ta assistga mualliflik qildi.

Avvalroq Reshford "Manchester Siti"ni trebl bilan tabriklagan edi.