"Red Bullz" futbolchisi Dru Ervud tribuna tomon to'p tepib, muxlislarni jarohatlagani uchun chetlatildi

Yakshanba kuni bo'lib o'tgan MLS to'qnashuvining so'nggi daqiqalarida hafsalasi pir bo'lgan Ervud yon chiziq yaqinida qo'pollik ishlatdi.

Biroz vaqt o'tgach, futbolchi to'pni tribunaga tepish orqali reakciya bildirdi, oqibatda "Red Bull Arena"dagi bazi muxlislarga kuchli zarba borib tegdi.

Ervud shundan so'ng tribunaga kelib, ulardan uzr so'ramoqchi bo'ldi, ammo boshqa muxlis uni jabrlanganlar yoniga yo'latmadi. Himoyachi esa qizil kartochka bilan jazolandi. Kamerada ko'rinishicha, to'p bir qiz va bir yosh bolaga tekkan. 

Futbolchi ushbu voqeadan so'ng ijtimoiy tarmoqda ulardan uzr so'radi va qilgan ishidlan afsusda ekanligini tan oldi.