Dunyo bo'ylab eng katta ko'cha futboli chempionati yana O'zbekistonda
05 apr 15:00
Yangiliklar


Dunyo bo'ylab eng katta ko'cha futboli chempionati yana O'zbekistonda
Bu musobaqa 4 ga 4 formatida – Red Bull Four 2 Score 2025 nomi ostida o'tkaziladi. Jamoalar darvozabonsiz, qisqartirilgan maydonda va noyob gol hisoblash tizimida raqobatlashadi. G'olib jamoa mamlakatni Avstriyadagi jahon finalida namoyish etishga haqlidir. Ishtirokchilar ro'yxatdan o'tishi loyiha rasmiy saytida 13 aprelgacha amalga oshiriladi.
Red Bull Four 2 Score – bu kichik maydonda o'tkaziladigan 4 ga 4 futbol musobaqasidir. O'yinlar 10 daqiqa davom etadi, to'xtovlarsiz va darvozabonsiz o'tkaziladi. Turnirning o'ziga xos jihati shundaki, o'yinning birinchi va oxirgi 60 soniyasida kiritilgan gollar 2 ochko hisoblanadi. Musobaqada 25 dan ortiq mamlakat ishtirok etadi va g'oliblar Avstriyada, Red Bull Salzburg'ning uy arenasida o'tkaziladigan jahon finalida qatnashish imkoniyatiga ega bo'ladilar.
Turnir bosqichlari:
• 1-bosqich: Guruh bosqichi – 19-20 aprel
• 2-bosqich: Pley-off / Milliy Final – 27 aprel
• 3-bosqich: Jahon finali (Avstriya) - 2025 yil sentyabr
Guruh bosqichida g'olib jamoa 3 ochko, mag'lub jamoa esa 0 ochko oladi. Agar 10 daqiqadan keyin hisob teng bo'lsa, ikkala jamoa ham 1 ochko oladi. Guruh bosqichida penalti seriyasi yoki oltin gol tizimi tatbiq etilmaydi. Pley-off bosqichida esa, agar 10 daqiqadan keyin hisob teng bo'lsa, g'olib oltin gol qoidasi asosida aniqlanadi.
Oltin gol nima: Har bir jamoadan bitta o'yinchi 1 ga 1 o'ynaydi, birinchi gol urilgunga qadar. Jamoa oltin gol urganida, o'yin tugaydi va g'olib keyingi bosqichga o'tadi.
Turnirning milliy finali 27 aprel kuni Toshkent shahridagi Yunusobod sport majmuasida bo'lib o'tadi. Jamoangizni to'plang va loyiha rasmiy saytida 13 aprelgacha ro'yxatdan o'ting. Balki, siz va do'stlaringiz O'zbekiston chempionlari bo'lib, mamlakatni Avstriyadagi jahon finalida namoyish etasiz.
Qo'shimcha malumot:
• loyiha rasmiy sayti 2025
• loyiha afishasi 2025
• 2024-yilgi Red Bull Four Two Score O'zbekiston fotosuratlari – bu erda
• 2024-yilgi News cut (tadbirning xom video kesimlari) – bu erda
• Turli mamlakatlardan fotosurat va videolar – bu erda
O’xshash yangiliklar

Fikrlar