“Real Madrid” murabbiylari "Qirollik klubi" akademiyasi metodikasi asosida mashg'ulotlar o'tkazishmoqda

Bugun “Bunyodkor” stadionida bo'lib o'tgan mashg'ulotlarda “Qirollik klubi” mutaxassislari “Real Madrid” akademiyasi metodikasi asosida bolalar bilan ish olib borishdi.

Mashg'ulotlarda to'pni maydonda olib yurish, to'p bilan muomala qilish, maydonda to'g'ri poziciya tanlay olish, yugurish texnikasi, standart vaziyatlardan unumli foydalanish kabi yo'nalishlarda bolalar bilan master klasslar o'tkazildi. SHuningdek, ispaniyalik mutaxassislar bolalar bilan “tennisbol” mashg'ulotini olib borishdi.

"Real Madrid" klubi murabbiylari yurtimizda 16 iyun kuniga qadar amaliy tadbirlar o'tkazishadi.

Real Madrid Foundation Clinic dasturining ikkinchi bosqichida bolajonlar va futbol murabbiylari uchun master klasslarni viloyatlarda o'tkazish rejalashtirilgan.