Ravshan Haydarov: “U–23 terma jamoasini 3ta musobaqa kutmoqda”

-   O'rtoqlik o'yinini tashkil etib biz ikkita maqsadimizni amalga oshirmoqchi edik. Birinchidan, milliy terma jamoamizning eng yaqin zaxirasi qanday ahvolda va Avstriya yig'iniga sig'dira olmagan, bazi bir sabablar bilan o'sha yig'inga bora olmagan futbolchilar bor edi. Misol uchun, Sardor Mirzaev, Zafar Polvonov, Jaloliddin Masharipov. Mana shunday o'rtoqlik o'yinlarida ushbu futbolchilarni va boshqa futbolchilarni ko'rikdan o'tkazish maqsadimiz edi. Ikkinchidan, 1995 yilda tavallud topgan futbolchilardan iborat terma jamoamiz oldida 3ta musobaqa bor.

Ushbu terma jamoamiz tayyorgarligi mana shu o'yin bilan boshladik. U–23 terma jamoamiz nasib qilsa Osiyo chempionati saralashida, Osiyo o'yinlarida va Osiyo chempionatida ishtirok etadi. Lekin U–23 terma jamoasining asosiy vazifasi milliy terma jamoamizga yangi futbolchilarni tayyorlab berish. Iroq terma jamoasiga qarshi o'ynagan Doston Hamdamov, Akrom Komilov Avstriyadagi yig'inda qatnashishdi. Ular men bilan Toshkentga qaytib kelishdi. Javohir  Sohibov, Eldor SHomurodov, Jamshid Boltaboev esa 1995 yilda tavallud topgan futbolchilar. Ular milliy terma jamoaga jalb qilinib sekin – astalik bilan o'z o'rnini topib borishyapti. O'ylaymanki ushbu terma jamoa mana shu maqsad bilan o'z faoliyatini davom ettiradi”, - deydi U–23 terma jamoasi bosh murabbiyi Ravshan Haydarov.

Jahongir Sotvoldiev suhbatlashdi