Ravshan Haydarov: "Biz uchun eng muhimi - keyingi o'yin. Har bir g'alaba bizni chempionlikka yaqinlashtiradi"

Ravshan Haydarov: Keyingi bosqichga chiqqanimiz bilan muxlislarimizni tabriklaymiz. Muhim qadamni qo'ydik. Yigitlarga rahmat aytaman. Ular rejani to'liq bajarishdi. Aql bilan, matonat bilan harakat qildik. Uchrashuvning boshida biroz nazoratni yo'qotdik, ammo ikkinchi bo'limda barchasini o'nglab, g'alaba qozondik.

Behruz Karimov: Bugungi o'yin ajoyib, emociyaga boy bo'ldi. Keyingi o'yinlarni ham yutishga harakat qilamiz. Biz bu erga bekorga kelganimiz yo'q. To'g'ri, yoshimiz kichik bo'lishi mumkin, ammo bizga ishonsangiz bo'ladi. Maqsadimiz - chempionlik.

- Behruzga savol, siz Superligada ham uzoq masofalardan gol urdingiz. O'yindan oldin ham shunday reja bormidi? Uzoq masofadan gol urish yani...

- Bor edi. Men har bir o'yinda vaziyatimni kutib yurdim. Bugun o'tkir burchakdan imkoniyat bo'ldi, men o'ylab o'tirmasdan zarba yo'lladim va gol urdim. 

- Bugungi o'zgarishlar raqibga qiyinchilik tug'dirdi. Amirbek yoki Saidumarxonni maydonga tushirilishi, charchagan raqibga kutilmagan zarba bo'ldi desa bo'ladi. Shunday reja bormidi?

- Albatta, bugungi reja shunday edi. Ikki futbolchi ham oldingi o'yinda katta ish qilishdi. Siz takidlagan reja amalga oshdi.

- Chorak finalga rejangiz qanday?

- Guruhdan chiqdik. Raqibimizni ertaga bilamiz. O'yindan o'yinga maqsadni yuqoriroq qo'yamiz. Pley-offda raqibni yaxshi o'rganib, reja bilan o'yinlarga boramiz. Tarkibda rotaciya bo'lishi mumkin, bu tabiiy. O'yinni faqat kuchaytirish niyatidamiz. 

- Guruhdagi ishtirokda futbolchilaringizgi o'yinidan qanchalik qoniqdingiz?

- Futbolchilarimning o'yinga bo'lgan rejaga amal qilish va intizomni saqlashidan mamnun bo'ldim. Ha, barcha futbolchilarimiz individual jihatdan kuchli, ammo g'alabaga asosiy sabab taktikaga amal qilganimiz bo'ldi. Borgan sari o'yinimiz yaxshilanib boradi deb umid qilaman.

- Futbolchiga savol, o'yinni Fabio Kannavaro kuzatib bordi, bu sizga bosim yoki motivaciya berdimi?

- Biz kutmagandik. Uchrashuvdan oldin tashqarida Kannavaroni ko'rdik. Bu narsa bizga bosim yuklagani yo'q, faqatgina qo'shimcha motivaciya berdi. O'z o'yinimizni ko'rsatib, g'alaba qozondik. 

- Siz bu kabi turnirda g'alaba qozongansiz. Sizdan yana chempionlikni kutsak bo'ladimi?

- Biz oldimizga oliy maqsad qo'yganmiz. Chempionlik uchun kurash davom etadi. Biz uchun eng muhimi keyingi o'yin. Har bir g'alaba bizni chempionlik uchun yaqinlashtiradi. Shu strategiya bilan harakat qilsak, chempionlikka ham erishishimiz mumkin.

- O'zbekiston o'zining potencial raqiblari Xitoy yoki Avstraliyani o'rganishga ulgurdikmi yo bu jarayon endi bo'ladimi?

- Xitoyni juda yaxshi bilamiz. O'rtoqlik turnirlarida ular bilan ko'p marta to'qnash keldik. Ular ham rivojlanmoqda. Tahlilchilarimiz barcha raqiblarni o'rganib borishmoqda. Ertadan ushbu malumotlarni yigitlarga berishni boshlaymiz. Raqibni o'yin uslubini o'rgangan holda, o'z uslubimizni ko'rsatishimiz lozim. Ha, bugun birinchi bo'lim ko'pchilikka yoqmagan bo'lishi mumkin, ammo ikkinchi bo'limda nazoratni qo'lga oldik. Raqibga qarab, taktikani ishlab chiqamiz.