Ravshan Haydarov: "O'yin sifati o'rtacha bo'ldi"

Uchrashuvda yirik hisobda g'alaba qozongan samarqandliklar ustozi Ravshan Haydarov poyoniga etgan bahs xususida fikrlarini bildirib o'tdi.

- Ravshan aka, bugun jamoangiz PFL Kubogidagi ishtirokini yirik g'alaba bilan boshladi. Avvalo uchrashuv haqida fikrlaringizni bildirib o'tsangiz?
- Bugun har ikkala jamoa ham qishki tayyorgarlik qanday bo'lsa, shunga mos o'yin ko'rsatdi. Bu paytda biror bir jamoa 100 foiz tayyor bo'lishi qiyin. Bizda mavsum endi boshlanmoqda. SHu bois o'yin shunga mos ravishda kechdi. Sifat ham o'rtacha  bo'ldi. Aslida bu turnir jamoalarning mavsum oldidan tayyorgarligiga katta foyda keltiradi. O'yin amaliyotini oshirish uchun qulay bo'lgan musobaqa.

- Bugungi raqib "Qo'qon-1912", joriy mavsum o'z oldiga kuchlilar safiga chiqishni vazifa qilib qo'ymoqda. Bu jamoa sizda qanday taassurot qoldirdi?
- Garchi qo'qonliklar bugun yirik hisobda mag'lubiyatga uchragan bo'lsada, jamoa menga yoqdi. Tarkibida ilgari oliy ligada o'ynagan futbolchilar harakat qilmoqda. Uchrashuvda 2:0 hisobi qayd etilayotgan paytda "Qo'qon-1912"da penalti tepish imkoniyati yuzaga kelgandi. Ammo ularning futbolchisi bunday unumli foydalana olmadi. Agarda o'shanda gol bo'lganida, uchrashuv umuman boshqacha tusga o'zgarib ketishi ham hech gap emasdi. CHunki bu paytga kelib, men zaxiradagi futbolchilarning barchasini maydonga tushirib bo'lgandim.

- Tarkibni shakllantirib bo'ldizmi?
- Yo'q, bunga yana ozgina vaqt kerak.

- Yana tarkibda qandaydir o'zgarish bo'lishi mumkinmi? Selekciya jarayoni to'xtamadimi?
- CHempionat startiga qadar ixtiyorimizda bir oy vaqt bor. Albatta selekciya ungacha davom etadi. SHunday ekan, yaqin orada ko'rikka yangi futbolchilar kelish extimoli yo'q emas.

Islombek RUSTAMBEKOV suhbatlashdi.