Ravon - Rossiya terma jamoasining yangi rasmiy hamkori

Bu haqda championat.com xabar bermoqda.

Ravon va Rossiya terma jamoasi hamkorligi rossiyaliklarning Janubiy Koreya va Eronga qarshi bo'lib o'tadigan ikki nazorat o'yinidan boshlanadi. Homiylik shartnomasida Ravon keng turdagi reklama huquqlaridan foydalanishi mumkin.

"Biz Rossiya terma jamoasi bilan hamkorlikni boshlaganimizdan juda xursandmiz! Mamlakatning asosiy jamoasi o'sib bormoqda, yosh futbolchilar tarkibda muhim o'rinlarni egallashmoqda. Bu rivojlanishni sezmaslik qiyin va rossiyaliklar nazorat uchrashuvlarida, 2018 yilgi jahon chempionatida sayyoramizning kuchli terma jamoalariga qarshi bahslarda yorqin o'yin ko'rsatishlariga ishonaman. Bu hamkorlik Ravon markasi muxlislari doirasini kengaytiradi va brendga yosh, sportga oshiq insonlar qiziqishini orttirishiga iymonim komil" - deydi "Ravon Motors Rus" bosh direktori SHaraf Ashurov.

"Rossiya futbol ittifoqi "Ravon Motors Rus" bilan hamkorlikni boshlaganidan mamnun. Bizning hamkorligimiz uzoq va foydali bo'lishiga ishonaman" - deydi RFI bosh direktori Aleksandr Alaev.

RFI rasmiy saytining xabar berishicha, Ravon markasi kelajakda Rossiya terma jamoasiga 2018 yilgi jahon chempionati yo'lida yordam ko'rsatadi.