Rasmiy xabar: Kanchelskis Mo'minjonovning o'rnini egallaydi

"Navbahor"ning guruh faol muxlislari rossiyalik mutaxassisni katta shodiyonalar bilan kutib olishdi.

Bugun soat 15:00da Andrey Kanchelskis rasman "Navbahor" jamoasi bosh murabbiyi sifatida tanishtiriladi. Bu haqda "lochinlar"ning telegramdagi rasmiy kanali xabar berdi.

Demak 2016 yil noyabr oyidan buyon "Navbahor" bosh murabbiyi sifatida ishlab kelgan Ilhom Mo'minjonov o'z lavozimini tark etadi.

Eslatib o'tamiz, 3 oktyabr kuni championat.asia sayti Andrey Kanchelskis "Navbahor" bosh murabbiyi bo'lishi kutilayotgani haqida xabar bergan edi. O'sha kuni "Bunyodkor"ga qarshi o'yindan keyingi matbuot anjumanida Ilhom Mo'minjonov bu xabarni birinchi bor eshitib turgani haqida aytgan edi.