Rasmiy xabar: Andrey Miklyaev - Surxon bosh murabbiyi

Klub vice-prezidenti Bahrom Mamatkulov Termizda «Surxon» sport majmuasida olib borilayotgan ishlarga rahbarlik qilayotganligi sababli, yig'ilishni «Surxon» futbol klubi mamuriyat rahbari Ikrom Ibragimov va yordamchi murabbiy Grigoriy Ceytlin Semyonovich olib bordilar. Yig'ilishda jamoaning barcha azolari ishtirok etdilar.

Bugungi qadar, jamoaning vaqtinchalik bosh murabbiyi vazifasini bajarib kelgan Anvar Soliev, yana klubning sport direktori lavozimiga o'tkazildi.

Klub mutasadillari bir necha kun davomida bir qator murabbiylar nomzodlarini ko'rib chiqdilar.

Yakunda, barchamizga yaxshi tanish, asli kelib chiqishi Surxordaryolik bo'lgan, 2016-2018 mavsumni Toshkentning «Lokomotiv» jamoasida bosh murabbiy va yordamchi murabbiy lavozimlarida faoliyat yuritgan, «PRO» murabbiylik licenziyasiga ega, Andrey Miklyaev «Surxon» jamoasining bosh murabbiyi etib tayinlandi.

Murabbiy oldiga ulkan vazifalar qo'yildi. Xususan, yaxshi jamoa shakllantirib, Surxondaryolik futbolchilarga ham ko'proq etibor qaratib, imkon qadar ularni ham jamoaga jalb qilish kerakligi takidlandi.

SHuningdek, «Surxon» futbol klubi O'zbekiston futbol associaciyasi va O'zbekiston Professional futbol ligasi tomonidan chiqarilayotgan har bir qarorni hurmat qiladi!