Raqibimiz Nepal Qatar va Belgiyaga boradi
22 iyu 2014 13:40
Yangiliklar

Raqibimiz Nepal Qatar va Belgiyaga boradi

O'smirlar (U-16) o'rtasida bo'lib o'tadigan Osiyo chempionatida biz bilan bir guruhdan joy olgan Nepal Janubiy Koreyadagi yig'inini tugatdi.

Endi ular Qatar va Belgiyaga borib, o'sha erda yig'in o'tkazishadi. Xabaringiz bor, o'smirlar o'rtasidagi Osiyo chempionati shu yilning sentyabr oyida Tailandda o'tkaziladi. Koreyada ikki hafta shug'ullangan nepalliklar uchta o'rtoqlik uchrashuvida maydonga tushishdi.

Bosh murabbiy Bal Gopal Maxarjanning aytishicha, yig'in juda yaxshi o'tgan va hamma o'ynash imkoniyatiga ega bo'lgan. Nepal futbolchilari endi Qatarda o'n kun shug'ullanishadi. SHundan so'ng Belgiyaga ketishadi. Nepal o'smirlar termasi Osiyo chempionatida O'zbekiston, Quvayt va SHimoliy Koreya bilan bir guruhdan joy olgan va ilk uchrashuvni 7 sentyabr kuni O'zbekistonga qarshi o'tkazadi.

Mazkur Osiyo chempionatida kuchli to'rtlikka kirgan jamoalar kelasi yil CHilida bo'lib o'tadigan FIFA U-17 jahon chempionatiga yo'llanma olishadi.

Havola :

Manba : championat.asia

Yangiliklarni Telegramda o'qing!

Reyting: