Qo'qonda “Paxtakor-79” xotirasi uchun faxriylar o'rtasidagi o'yin bo'lib o'tdi

"Paxtakor"chilarning 1979 yildagi fojiali halokatiga 40 yil to'lishi munosabati bilan viloyatning ikkita nomdor jamoasi faxriylari o'zbek futboli vatani – Qo'qon shahrida xotira uchrashuvida maydonga tushdilar. O'tkazilgan mazkur o'yinda qo'qonlik faxriy futbolchilar g'alaba qozondilar. Bugungi uchrashuvda natija muhim emas, balki o'tgan paxtakorchilar xotirasini yodga olish, ularning ruhi oldida hurmat bajo keltirish eng asosiy maqsad edi. Va bu amalga oshdi. Mashhur futbolchilardan iborat har ikkala jamoa azolari sukut saqlab marhum paxtakorchilarni yodga oldilar.