"Qo'qon-1912": Yana bir tarixiy voqea yaqin

Garchi, jamoa ikkinchi davrani barqaror o'tkaza olmayotgan bo'lishsa-da, futbolchilarning hujumkor o'yinlari muxlislarni xursand etayotgani bor gap. Joriy yilda jamoa Qo'qon futboli tarixiga yangi sahifalarni ochib berishmoqda. Bu haqida mavsum yakuniga etgach, atroflicha to'xtalamiz.

Kechagi o'yinda jamoa Oliy ligadagi 366-uchrashuvni o'tkazdi. “Navbahor” bilan bo'lib o'tgan bahsda Oliy ligadagi yubiley 450-ochko qo'lga kiritilgan bo'lsa, navbatdagi bellashuvda yana bitta tarixiy voqeaga guvoh bo'lishimiz mumkin.

SHu kunga qadar “Qo'qon-1912” futbolchilari chempionat doirasidagi bahslarda raqiblari darvozasiga 498 ta gol kiritishdi. Yana ikkita goldan keyin 500-dovon ham zabt etiladi. Yubiley golga kim mualliflik qilishni esa yaqin orada bilib olsak ajab emas.