"Qo'qon-1912": “So'g'diyona” yirik hisobda taslim etildi

Vakillarimizga Jizzaxning “So'g'diyona” klubi raqiblik qildi. O'yinda tashabbusga ega bo'lgan No'mon Hasanov shogirdlari yirik hisobda g'alaba qozonishdi.

Uchrashuv boshida Nosir Otaqo'zievning chalqancha usulda  bergan zarbasi biroz noaniq bo'ldi. Oradan biroz o'tib, uchrashuvda hisob ochildi.

Burchak zarbasidan so'ng Jalil Kimsanov boshi bilan “So'g'diyona” darvozani ishg'ol qildi.

Birinchi bo'limning qolgan daqiqalarida ham futbolchilarimizda bir qator vaziyatlar vujudga keldi. Ammo ularni yakunlashda aniqlik etishmadi.

Ikkinchi taym boshida Bahodir Pardaev himoyachining xatosidan unumli foydalanib, hisobni bittaga oshirdi.

Aleksandr Merzlyakovning to'p oshiririshidan keyin  Nosir Otaqo'ziev boshi bilan raqib darvozani aniq nishonga olib hisobni yirik ko'rinishga olib keldi.

Oradan biroz o'tib, Suhrob Berdievning zarbasini darvozabon qaytardi, qaytgan to'pga birinchi bo'lib Otaqo'ziev etib keldi va jizzaxliklar posboni ojiz qoldirdi..

Goldan keyin katta kuch bilan hujumga otlangan “So'g'diyona” futbolchilari penalti tepish huquqiga ega bo'lishdi.  Ammo Aziz Ashurov mahorat ko'rsatib, penaltini qaytardi. Penaltini Akmal Abdurahmonov aniq amalga oshira olmadi.

Uchrashuv yakunlanishi arafasida futbolchilarimiz raqib darvozasini beshinchi bor aniq nishonga olishdi. Bu safar gol muallifi Bahodir Pardaev bo'ldi.

SHu tariqa jamoamiz birinchi nazorat uchrashuvini g'alaba bilan tugatdi.

“So'g'diyona”  ustidan qozonilgan yirik g'alaba jamoamizning sport direktori SHuhrat aka Mo'minovning tug'ilgan kuniga sovg'a bo'ldi.

Nazorat uchrashuvi

“Qo'qon-1912” – “So'g'diyona” 5:0 (1:0)

Gollar: Jalil Kimsanov, Bahodir Pardaev 2 ta , Nosir Otaqo'ziev 2 ta.

“Qo'qon-1912”: 13. Nikita Ribkin, 5. Jalil Kimsanov, 6. Bahodir Akramov, 9. Nosir Otaqo'ziev, 10. Javohir Sidiqov, 15. Oybek Rustamov, 20. Ruslan Melziddinov, 29. Aleksandr Merzlyakov, 55. Darko Gojkovich, 90. Suhrob Berdiev, 99. Bahodir Pardaev.

Zaxira: 12. Aziz Ashurov, 75. Ibrohim Rahimov, 22. Orif Mamajonov, 49. SHohruh Xolmatov, 28. Avaz Mamatxo'jaev.

“So'g'diyona”: Karim Muhammedov, Azamat Isroilov, Elyor Oripov, Rustam Azamov, Omonjon Xalilov, G'ulom O'runov, Sunatilla Mamadaliev, Akmal Xolmatov, Sardor Eminov, Ixtiyor Toshpo'latov, Alisher Mahmudov.