"Qo'qon-1912": Mehribonlik uyiga tashrif FOTO

Boquvchisini yo'qotgan, yordamga muhtoj bolalarga hukumatimiz tomonidan alohida etibor ko'rsatib kelinayotgani hech kimga sir emas.

Takidlash joizki, viloyatimizda ham bu borada keng ko'lamdaga ishlar amalga oshirilmoqda. Mehrga muhtoj bolalar holidan xabar olish esa har birimiz uchun ham qarz, ham farz.

So'nggi paytlarda mehribonlik uyi tarbiyalanuvchilariga bag'ishlangan turli xayriya akciyalar o'tkazish odat tusiga aylangan. Bu bejiz emas albatta. Zero jannatmakon diyorimizda mehr-oqibati, muxtojlarga beminnat yordam berib kelayotgan insonlar soni juda ko'p.

Xuddi shunday akciya kecha Qo'qonda ham tashkil etildi.  Qahramonjon Isroilov va Ilhomjon Qunduzov boshchiligidagi “Qo'qon-1912” jamoasi  muxlis klubi azolari Qo'qon shahridagi 12-sonli mexribonlik uyida xayriya akciyasini o'tkazishdi. Bu akciyada shuningdek, “Qo'qon-1912” jamoasining etakchi futbolchilari ham ishtirok etishdi.

Mehribonlik uyi tarbiyalanuvchilariga muxlislar klubi azolari tomonidan tayyorlangan sovg'alar, sport kiyimlari va futbolchilarning dastxatlari tushirilgan futbol to'plarini, jamoamiz etakchilari Aziz To'xtaboev, Navro'z Alimov va Orifjon Mamajonovlar topshirishdi.

Uchrashuv so'ngida esdalik uchun suratga tushildi.

O'z navbatida bolajonlar bunday etibor hamda ajoyib xayriya akciyasi uchun tashkilotchilarga samimiy minnatdorchilik bildirdilar.