"Qo'qon-1912": Jamoamizning umidli yoshlari

O'tgan mavsumda “Qo'qon-1912” jamoasi o'rinbosarlar safida ham bir qator iqtidorli futbolchilar to'p surishdi. Aynan mana shu o'yinchilarning say-harakatlari evaziga o'rinbosarlarimiz Yoshlar ligasida 7-o'rinni qo'lga kiritishdi.

Bugun ularning ayrimlari bilan tanishtirib o'tamiz.

Iqbol Malikjonov 1995 yil 8 noyabr kuni tug'ilgan. 20 yoshli futbolchi yakuniga etgan mavsumda o'rinbosarlarimiz safidagi o'zining ishonchli o'yinlari orqali muxlislar mehrini qozondi. Uning harakatlaridan qoniqish hosil qilgan murabbiylar Iqbolni bazan asosiy tarkibga ham qo'shishdi. U tez-tez asosiy tarkib mashg'ulotlarida ishtirok etadi.

Avazxon Mamatxo'jaev 1995 yil 4 iyun kuni tug'ilgan. Bu futbolchi ham o'rinbosarlarimizning ettinchi o'rinni qo'lga kiritishida katta hissa qo'shdi. Mamatjo'jaev yig'inlar chog'ida asosiy tarkib bilan birga mashg'ulotlarda ishtirok etib turdi. U bir necha bor o'rtoqlik uchrashuvlarda maydonga tushdi.

Muhammadanas Hasanov 1996 yil 22 yanvar kuni tug'ilgan. Qo'qonda yana bir iqtidorli hujumchi etishib chiqayotganini Muhammadanas Hasanov misolida ko'rdik. Yosh hujumchi o'z ustida ishlashdan to'xtamasa, yaqin yillar ichida o'zbek futbolida ajoyib hujumchi paydo bo'lishi mumkin. Hasanov ham o'tgan mavsum davomida o'rinbosarlarimizning etakchi azosiga aylandi. Uning bir qator gollari jamoamizga g'alaba keltirdi. Muhammadanas Hasanov ham tez-tez asosiy tarkib mashg'ulotlarida ishtirok etadi. U yaqinda o'tkazilgan o'zaro o'yinda to'p kiritishga erishdi.

Dostonbek Meliqo'ziev 1996 yil 22 yanvar kuni tug'ilgan. Qo'qonlik futbol muxlislarining yana bir yoqimtoy hujumchisi. Dostonbek o'zining tinib-tinchimasligi bilan boshqalardan ajralib turadi. U ham xuddi boshqa jamoadoshlari kabi yakuniga etgan mavsumni alo darajada o'tkazdi. Yosh hujumchi shu zaylda o'sishni davom ettirsa, kelajakda undan yuqori darajadagi hujumchi etishib chiqishi tayin.

Biz yuqorida tilga olgan yosh futbolchilar yaqin yillar ichida “Qo'qon-1912”ning asosiy o'yinchilariga aylanishlari mumkin. Muxlislarning bu o'yinchilardan umidlari katta. Ushbu futbolchilar o'z ustilarida tinmay ishlashlari, o'rganishlari lozim. Buning uchun ularda imkoniyat ham ishtiyoq ham etarli. Yangi mavsum ham bu futbolchilarga omadli kelishini tilab qolamiz.