"Qo'qon-1912": Ikkinchi yoshligini o'tkazgan futbolchilar

Bugun esa o'zini ko'rsatgan yoshi katta futbolchilarmiz xususida to'xtalib o'tamiz.

Tan olish lozim, Nosir Otaqo'ziev ushbu mavsumda o'zining ikkinchi yoshligini o'tkazdi. Mavsum boshida “Qo'qon-1912” safiga kelib qo'shilgan hujumchi raqiblar darvozasiga 9 ta to'p kiritishning uddasidan chiqdi. Uning bir qator gollari jamoamizga muhim g'alabalarni taqdim etdi. Otaqo'ziev gollar sonini oshirishi ham mumkin edi. Ammo turli sabablarga ko'ra, u bir nechta uchrashuvda maydonga tusha olmadi.

31 yoshli futbolchi maydondagi mahoratidan tashqari, o'zi tutishi va muomalasi bilan yosh jamoadoshlariga o'rnak bo'la oldi.

Yana bir yoshi katta futbolchilaridan biri Aleksey Nikolaevdir. Bir paytlar terma jamoamizning etakchisi bo'lgan himoyachining o'yinida biroz pasayishlar ko'zatilgandi. Ammo “Qo'qon-1912” jamoasiga kelib qo'shilgach, u yana oldingi salohiyatini tiklay oldi. Nikolaev himoyadagi ishonchli o'yinlari orqali qo'qonlik muxlislarning yoqimtoyiga aylandi.

Nikolaev mavsumda birorta gol kirita olmagan bo'lsa, ham g'alabalarda o'z hissasini qo'shganini alohida etirof etish joiz.

O'zini tutishi orqali ham jamoadoshlariga o'rnak bo'lishdan taqshari, bu futbolchilar jamoaga juda katta foyda keltirishdi. Ular mashg'ulotlardan ham yoshlardan ko'ra ko'proq ter to'kishi tahsinga sazovor.

Jamoa safida mana shunday fidoyi futbolchilar soni ko'p bo'lishini tilab qolamiz.