"Qo'qon-1912" futbolchilari jismoniy tayyorgarlik bo'yicha normativ topshirdi (foto)
21 dek 2017 13:21
Yangiliklar

"Qo'qon-1912" futbolchilari jismoniy tayyorgarlik bo'yicha normativ topshirdi (foto)

Teglar : Qo'qon-1912

Bundan keyin superliga klublarida ishtirok etadigan futbolchilarning jismoniy holati O'zbekiston Futbol Federaciyasi tomonidan tasdiqlangan test-sinovlari orqali nazorat qilib boriladi.

Futbolchilar topshiradigan test-sinovlari O'zbekiston Futbol Federaciyasining Texnik rivojlantirish boshqarmasi ilmiy-metodik guruhi mutaxassislari tomonidan ishlab chiqilgan.

Bugun ilmiy guruh vakillari YU.Siyanov hamda A.Qoraboevlar Qo'qonda bo'lib, jamoa futbolchilarini nazoratdan o'tkazishdi.

Jamoa futbolchilari quyidagi test-sinovlarini topshirishdi:
1. 30 metrga yugurish
2. Turgan joyidan uzunlikka sakrash
3. 7x50 metrga yugurish
4. “Yo-Yo” test

Ushbu testlarda jamoaning 21 nafar futbolchisi ishtirok etdi.

Muxlislarga shuni qo'shimcha qilmoqchimizki, o'tgan mavsumni jamoada boshlab so'ngra malum muddat Koreya chempionatida to'p surgan iqtidorli futbolchi Bahodir Pardaev ham jamoa mashg'ulotlariga qo'shilgan. Bugun Pardaev ham test sinovlarini topshirdi.

Mutaxasislar yaqin vaqtlar ichida test natijalarini jamoa murabbiylar shtabiga taqdim qilishadi.

Quyida bugungi test-sinovlaridan olingan suratlar bilan tanishing.