"Qo'qon-1912": "Dinamo" bilan o'yinga tayyorgarlik qizg'in

"Qo'qon-1912" shu kuni Samarqandda "Dinamo" bilan kuch sinashadi. Ayni damda klub azolari bo'lajak bahsga Qo'qonda tayyorgarlik ko'rmoqda. Yangi mavsum boshlanishi arafasida yaxshi niyat ila, kecha Qo'qondagi "Markaziy" stadionda qo'y so'yib, bugun hatmi-quron tilovat qilindi. Bu urf-odat o'zbek futboliga begona emas. Ko'plab jamoa futbolchilari shu kabi tadbirlarda mavsumni jarohatlarsiz o'tkazishni niyat qiladi, yana kimdir o'z niyatlarini ijobat bo'lishini yaratgandan so'raydi.

Avval xabar berganimizdek, mavsumlar oralig'ida tarkibga yangi kelib qo'shilgan futbolchilarni taqdimot marosimi bugun o'tkazilishi lozim edi. Ammo malum sabablarga ko'ra, mazkur tadbir ertangi kunga qoldirildi. Bu haqda keyinroq saytimizda batafsil to'xtalamiz.

"Dinamo"ga qarshi bahs oldidan murabbiylarni tashvishga solayotgan jihati bu - Bahodir Akramov va Igor Golbanning jaroxatga yo'liqqani bo'lib turibdi. SHuningdek himoyachi SHoxruh Xolmatovda ham jaroxat mavjud. Mazkur futbolchilar katta extimol bilan Samarqanddagi bahsni o'tkazib yuboradi.

Qolgan o'yinchilarda hech qanday muammo yo'q va ularning barisi yuqori kayfiyatda bo'lajak bahsga qizg'in tayyorgarlik ko'rmoqda.

Eslatib o'tamiz, "Dinamo" - "Qo'qon-1912" bahsi 14 mart, shanba kuni soat 16:00da boshlanadi.