"Qo'qon-1912": Ananaga aylanib borayotgan musobaqa

Bu yil ham ushbu anana davom ettirildi. Kecha “Markaziy” o'yingohda to'rtta jamoa ishtirokida ana shunday musobaqa tashkil etildi. Musobaqada asosan 1997-2000 yillarda tug'ilgan mahalliy yosh futbolchilar ishtirok etishdi. Ushbu kichik turnirni jamoamiz rahbarlari, bosh murabbiy No'mon Hasanov va o'rinbosarlarimiz murabbiylari katta qiziqish bilan kuzatib borishdi. Bu bejiz emas albatta. Aynan mazkur musobaqada o'zining iqtidorini namoyish eta olgan yoshlar, o'rinbosarlarimizning bo'lajak yig'inlariga taklif etiladi.

So'nggi yillarda “Qo'qon-1912” jamoasi bolalar futboliga jiddiy etibor qaratmoqda. Ayni damda klubimiz qoshida bir nechta futbol maktablari faoliyat olib bormoqda.

Buning samarasi ularoq, jamoamiz har yili yangi futbolchilarni kashf etishi odatga aylangan.

Uylaymizki, ushbu yoqimli ananalar yangi mavsumda ham davom etadi.

Quyida kechagi musobaqaga bag'ishlangan fotosuratlar bilan tanishing: