"Qizilqum" jiddiy ogohlantirildi, ammo futbolchilarini Superliga ro'yxatidan o'tkazishi mumkin
01 fev 2019 18:48
Yangiliklar
![](https://championat.asia/upload/storage/475121_original.jpg)
![](/upload/storage/475121_220.jpg)
"Qizilqum" jiddiy ogohlantirildi, ammo futbolchilarini Superliga ro'yxatidan o'tkazishi mumkin
Bu haqda PFL rasmiy sayti xabar berdi. Bunga qadar klub yillar davomida o'z futbol akademiyasini bunyod etish masalasini paysalga solib keldi. Endi esa "Qizilqum" O'FA qoshidagi bolalar va o'smirlar futbol akademiyasining Navoiy filiali bilan hamkorlik shartnomasiga ega.
O'tgan mavsumda "Qizilqum" klubining uy stadioni maysasi qoniqarli ko'rinishga keltirilgandi. Ayni vaqtda klub chimni yaxshi holatda saqlashning texnik choralarini ko'rgan. Stadionni yoritish tizimi minimum talabga mos keladi. PFL komissiyasi bu borada martga yaqin o'zining yakuniy xulosasini taqdim etadi.
Unga qadar esa "Qizilqum" o'z shtabi, futbolchilar, murabbiylarni PFL ro'yxatidan o'tkazishi mumkin. Bunda klub PFL tomonidan taqdim etilgan shartnomalardan foydalanadi va reglamentda talab qilingan barcha shartlarga rioya qiladi.
SHuningdek, "Qizilqum" futbol klubi O'FA tomonidan jiddiy ogohlantiriladi. 2018 yil yakunlariga ko'ra OFK shubhali deb topgan o'yinlarning aksar qismida "Qizilqum" futbol klubining nomi ko'rsatilgan. Ular garchi faktlar bilan isbotlanmagan bo'lsa-da, bunday ro'yxatda bir klub nomining qayta va qayta kelishi juda shubhalidir. 2019 yilgi mavsumda klub rahbariyati bu masala yuzasidan tegishli choralarni ko'rmasa va ahvol shu taqlid davom etsa, O'FA jamoaga nisbatan jiddiy sankciyalar qo'llaydi. Buning uchun tashkilotga OFK tomonidan taqdim etilgan shubhalilar ro'yxatida bir necha bor qayd etilishning o'zi kifoya. "Qizilqum" Superliga talablarini qoniqarli bajargani kabi, sog'lom raqobat masalasida ham eng to'g'ri yo'ldan yurishi shart.
O’xshash yangiliklar
![AMP Logo](https://championat.asia/image/logo-amp.png)
Fikrlar