PRO-Liga, “V” guruhi. 2-turda eng ko'p muxlis “Iftixor”da

“V” guruhida muxlislarning stadionga tashrifi “A” guruhidan sezilarli ravishda farq qilmoqda. Ko'p o'yinlarga ishqibozlar tashrifi xatto 1 000tadan ham oshmayotganini ko'rish mumkin. Vaholanki, joylarda uchrashuvga kirish bepul qilib belgilangan. SHunga qaramay, muxlislar stadionga bormayapti. “V” guruhdagi 4ta o'yinga jami 4559 nafar ishqiboz qadam ranjida qilgan. Har bir bahsga o'rtacha 1139tadan tomoshabin demakdir.

Eng ko'p muxlis kirgan o'yini “Iftixor” – “Zomin” (0:1) to'qnashuvi bo'ldi. Farg'ona viloyati, Oltiariq tumanidagi “BO'SM” stadionida kechgan uchrashuvga 3650 nafar tomoshabin tashrif buyurgan.

Aksincha bu borada eng past natija qayd etgan “Lokomotiv-BFK” bo'ldi. “Temiryo'lchilar”ning o'z uyidagi ochilish o'yiniga atiga 86 nafar tomoshabin kirgan.

Vobkent tumani va Samarqand shahrida kechgan bahslarga muxlislarning tashrifi 500 tadan ham oshmaganini ko'rish mumkin.

Tomoshabinlar tashrifi kimda qanday?      

“LOKOMOTIV-BFK” – “YOZYOVON” – 1:2 (0:0).
Toshkent shahri. Toshkent temir yo'llari instituti stadioni. 86 tomoshabin.

“IFTIXOR” – “ZOMIN” -  0:1 (0:0).
Oltiariq shahri. BO'SM maydoni. 3650 tomoshabin.

“LABSA” – “G'IJDUVON” - 0:0
Vobkent shahri. “Yoshlik” stadioni. 493 tomoshabin.

 “SHERDOR” – “NURAFSHON” - 2:3 (1:2).
Samarqand shahri. “Dinamo” stadioni. 330 tomoshabin

PRO-Liga, “A” guruhi. 2-turda eng ko'p muxlis “Istiqlol”da