PRO-Liga, “A” guruhi. Eng ko'p muxlis Farg'onada

7-turning 4ta o'yiniga jami 6254 nafar tomoshabin qadam ranjida qilgan.

Eng muxlis to'plash bo'yicha bu safar “Istiqlol” peshqadamlik qildi. Farg'onadagi stadionga 2556 nafar ishqiboz kirgan. Keyingi o'rinda "Mashal" - "Surxon" uchrashuvi qayd etildi. SHuni alohida qayd etish lozimki, Muborakdagi “B.Vafoev” nomli stadionga kirish uchun chipta sotib olgan har bir muxlisga “Mashal” jamoasining ramzi tushirilgan futbolkalar bepul tarqatildi.

“Istiqlol” jamoasi ham bir qator tashkiliy ishlarga qo'l urganini aytib o'tish joiz.
Qirgulidagi “Neftchi SK” stadionida bo'lib o'tgan “Istiqlol” – “Xorazm” bahsiga tashrif buyurgan muxlislarga estalik uchun malum miqdorda to'plar taqdim etilgani klub matbuot xizmati tomonidan elon qilindi.  

Ushbu turda eng kam muxlis kirgan o'yin “Norin” – “Orol” bo'ldi. Garchi haqqulobdliklar o'tgan turda safarda “SHo'rtan”ni mag'lub etib kelgan bo'lishiga qaramay, “Norin”ning uy o'yiniga atiga 447 ishqiboz tashrif buyurgan. Samarqandda kechgan “Dinamo” – “SHo'rtan” uchrashuvini esa 1221 muxlis bevosita stadionning o'zida kuzatib bordi.
 

Muxlislar tashrifi kimda qanday?

“Norin” – “Orol” – 2:2. 447 tomoshabin.
“Mashal” – “Surxon” – 2:1. 2030 tomoshabin.
“Dinamo” – “SHo'rtan” – 0:0. 1221 tomoshabin.
“Istiqlol” – “Xorazm” – 2:0. 2556 tomoshabin