Prevyu. "Qizilqum" - "Metallurg"

Qizilqum (Navoiy) – Metallurg (Bekobod)
28 may 2016. Navoiy. "Yoshlar" stadioni. 19:00
Hakamlar: V. Ceytlin (Toshkent), R. Fozilov (Namangan), M. Madjidov (Namangan), E. Tursunov (Buxoro)
Nazoratchi: X. Muxtorov (Samarqand).
O'zPFL vakili: R. CHernikov.

Bu ikki klubning yo'llari oliy liga o'yinlarida 32 bor kesishgan. Ustunlik “Qizilqum” tomonida. 14ta o'yinda “Qizilqum”ning qo'li baland kelgan bo'lsa, 9ta uchrashuvda “Metallurg” g'olib chiqqan. Yana 9ta bahsda g'olib aniqlanmagan. To'plar nisbati ham “Qizilqum” foydasiga. Navoiyliklar shu kunga qadar o'zaro o'yinlarda 46ta gol kiritib o'z darvozalaridan 37 marta to'p olib chiqishgan. O'zaro o'inlarda “Qizilqum” 51, “Metallurg” esa 36 ochkoni qo'lga kiritgan.

“Metallurg” oliy ligada “Qizilqum” ustidan 4:1 hisobida g'alaba qozongan. Bu o'zaro o'yinlardagi bekobodliklarning eng yirik g'alabasi hisoblanadi. “Qizilqum”ning o'zaro o'yinlardagi erishgan eng yirik g'alabasi esa 5:0ga teng.

O'tgan yil 14-turda Bekobodda o'tgan bahsda mezbonlar zafar quchishgan. Maydon egalari safida SHahzodbek Nurmatov (2ta), Ayubxon No'monov va Zohid Abdullaev gol urishgan. “Qizilqum”dan Bahriddin Vahobov hamda Farruh Haydarov to'p kiritishgan – 4:2. Navoiydagi uchrashuvda durang qayd etilgan. Mehmonlar vakili Mirg'iyoz Sulaymonovning goliga maydon egalari safida G'ayrat Jumaev javob bergandi – 1:1.

“Qizilqum” maydonida bo'lib o'tgan so'nggi besh uchrashuv:
05.11.2015 Qizilqum - Metallurg 1:1
02.11.2014 Qizilqum - Metallurg 0:0
21.09.2013 Qizilqum - Metallurg 1:0
27.10.2012 Qizilqum - Metallurg 0:0
17.09.2011 Qizilqum - Metallurg 2:1

O'zaro o'yinlar haqida fakt: “Qizilqum” maydonida bo'lib o'tgan o'yinlarda “Metallurg” 2 marta g'alaba qozongan. 4ta uchrashuv durang qayd etilgan. Qolgan 10ta o'yinda “Qizilqum” zafar quchgan. “Metallurg” oxirgi 5ta o'yinda bu raqibni safarda mag'lub eta olmagan.