Prevyu. "Neftchi" - "Metallurg"
01 iyu 2016 09:45
Yangiliklar
![](https://championat.asia/upload/storage/213691_original.jpg)
![](/upload/storage/213691_220.jpg)
Prevyu. "Neftchi" - "Metallurg"
Neftchi (Farg'ona) – Metallurg (Bekobod)
1 iyul 2016. Farg'ona. "Istiqlol" stadioni. 19:00
Hakamlar: V. Ceytlin (Toshkent), A. Kalinin (Qarshi), S. SHoyusupov (Toshkent), A. Rubakov (Toshkent)
Nazoratchi: A. Popov (Toshkent).
“Neftchi” va “Metallurg” oliy ligada 36 bora to'qnash kelishgan. Natijalar vodiy jamoasining kattagina ustunligini ko'rsatmoqda.
“Neftchi” 36ta o'yindan 22tasini yutgan. 8ta bahsda durang qayd etilgan. “Metallurg” bu raqibni 6 marta mag'lub etgan. “Neftchi” o'zaro o'yinlarda 71ta gol kiritgan, bekobodliklar 35 bora farg'onaliklar darvozasini ishg'ol etishgan. “Neftchi” o'zaro o'yinlarda 74 ochkoni o'z hisobiga yozib qo'ygan bo'lsa, “Metallurg”da bu ko'rsatkich 26ni tashkil etadi. Vodiy klubining o'zaro o'yinlardagi eng yirik g'alabasi 7:1ga teng bo'lsa, “Metallurg”da bu ko'rsatkich 3:1ga teng.
Bir yil oldin birinchi davrada Bekobodda tashkil etilgan o'yinda bitta gol urilgandi. Birinchi bo'lim o'rtalarida Abbosbek Maxstalievning goli “Neftchi”ga safarda g'alaba keltirgandi – 0:1. Uchrashuvni “Neftchi” 10 kishi bo'lib tugatgandi, o'shanda SHerzod Hakimov 50-daqiqada qizil kartochka olgandi. Farg'onada ham “Neftchi” g'olib bo'lgan. Dastlab bekobodliklar vakili Saidjon Abdujabborov hisobni ochgan. Bunga Sardor Rahmonov va SHerzod Hakimov javob berishgan – 2:1.
Farg'onada bo'lib o'tgan so'nggi besh uchrashuv:
22.08.2015 Neftchi - Metallurg 2:1
20.09.2014 Neftchi - Metallurg 2:1
09.03.2013 Neftchi - Metallurg 0:1
09.08.2012 Neftchi - Metallurg 4:0
12.03.2011 Neftchi - Metallurg 3:1
O'zaro o'yinlar haqida fakt: “Neftchi” mezbonlik qilgan o'yinlarda “Metallurg” faqat bir bor (2013 yil) g'alabaga erishgan. Bitta bahsda durang qayd etilgan. Farg'ona klubi o'z uyida 16 marta zafar quchgan.
O’xshash yangiliklar
![AMP Logo](https://championat.asia/image/logo-amp.png)
Fikrlar