Prevyu. "Navbahor" - "Nasaf"

Navbahor (Namangan) – Nasaf (Qarshi)
11 iyun 2016. Namangan. "Markaziy" stadioni. 19:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), A. SHukurullaev (Toshkent)
Nazoratchi: D. Roman (Toshkent).
UzPFL vakili: A. Frolov (Toshkent).

Bu ikki klubning yo'llari oliy liga o'yinlarida 38 bor kesishgan. Ustunlik “Nasaf” tomonida. 20ta o'yinda qarshiliklarning qo'li baland kelgan bo'lsa, 10ta uchrashuvda “Navbahor” g'olib bo'lgan. Sakkiz uchrashuvda g'olib aniqlanmagan. To'plar nisbati ham “Nasaf” foydasiga. “Ajdarlar” shu kunga qadar o'zaro o'yinlarda 63ta gol urib o'z darvozalaridan 57 marta to'p olib chiqishgan. O'zaro o'inlarda “Ajdarlar” 68 ochkoni, “Navbahor” esa 38 ochkoni qo'lga kiritgan.

“Navbahor” oliy ligada “Nasaf” ustidan 6:0 hisobida g'alaba qozongan. Bu o'zaro o'yinlardagi namanganliklarning eng yirik g'alabasi hisoblanadi. “Nasaf”ning o'zaro o'yinlardagi bu raqib ustidan erishgan eng yirik g'alabasi esa 5:0 bo'lib turibdi.

O'tgan mavsum Namangandagi uchrashuvda durang qayd etilgan. O'yinda “Nasaf” himoyachisi Maqsud Karimov hisobni ochgandi. Bunga mezbonlar safida Mo'ydin Mamazulumov javob bergandi – 1:1. Qarshida gollar shousi kuzatilgan. Ilhom SHomurodov va Artur Gevorkyan dubl rasmiylashtirishgan. Ulug'bek Baqoev ikkala jamoa darvozasiga to'p kiritib o'ziga xos dublga erishgandi – 5:1.

“Navbahor” maydonida o'tgan so'nggi besh uchrashuv:
10.05.2015  Navbahor - Nasaf 1:1
06.04.2014  Navbahor - Nasaf 1:0
30.03.2013  Navbahor - Nasaf 1:2
03.09.2012  Navbahor - Nasaf 1:2
19.05.2011  Navbahor - Nasaf 1:1

O'zaro o'yinlar haqida fakt: “Navbahor” oliy ligada o'z maydonida 8ta o'yinda “Nasaf”ni mag'lub etgan. Etti uchrashuvda durang qayd etilgan. 4ta bahsda “ajdarlar” vodiydan g'alaba bilan qaytishgan. Oxirgi ikki yilda “Nasaf” bu Namanganda g'alaba qozona olmagan.